10
ئای ئۆ ئێس 9, ئه‌یلول 2016

پێنج تایبەتمەندى (iPhone 7) کە پێشووتر لە مۆبایلەکانى ئەندرۆیددا بوونى هەبووە!

screenshot-2016-09-08-at-03

دوێنێ ئێوارە کاتژمێر ٨:٠٠ بەکاتى هەولێر\کوردستان، کۆمپانیاى (ئەپڵ)ى ئەمریکى کۆنگرەیەکى گرێدا و تێیدا چەند بەرهەمێکى ڕاگەیاند، یەکێک لە بەرهەمەکان نەوەى نوێی مۆبایلى ئایفۆن بوو کە بە ٢ جۆرن بەناوەکانى (ئایفۆن ٧) و (ئایفۆن ٧ پڵەس) – بابەتى تەواو بخوێنەوە-.

لەم بابەتەدا دەمانەوێت ئاماژە بە پێنج  تایبەتمەندی نەوەى نوێی ئایفۆن بدەین کە لە پێشوودا لەو مۆبایلانەدا هەبوون کە بە سیستەمى وەگەڕخەرى ئەندرۆید کاردەکەن، تایبەتمەندییەکان (نوێ) و (شۆڕشگێرانە)یە لەلایەن هاوادارانى ئەپڵ و بەکاربەرانى ئایفۆن، بەڵام سەبارەت بە جیهانى ئەندرۆید ئەو تایبەتمەندییانە کۆن بوون!

  • ئەو پێنج تایبەتمەندییەى (ئایفۆن ٧ و ئایفۆن ٧ پڵەس) کە لە پیشوودا لە مۆبایلەکانى ئەندرۆییدا بوونى هەبووە:
  1. کامێراى دوو هاوێنەیی: ئەم تەکنەلۆژیایە لەساڵى ٢٠١٤دا لە مۆبایلى (HTC One M8) بەدیکراوە، دواى کۆمپانیاى (ئێچ تى سی)یش هەریەکە لە کۆمپانیاکانى هواوى و ئێڵ جى لە مۆبایلەکانیاندا بەکاریان هێناوە، گشت کۆمپانیایەک دەیەوێت ئەم تەکنەلۆژیایە لە بەرهەمەکانى بەکاربهێنێت بۆئەوەى چەندان تایبەتمەندى ناوازە فەراهەم بکات بۆ کامێراى بەرهەمەکەى، کۆمپانیاى (ئەپڵ)یش سوودى لەم بیرۆکەیە وەرگرتووە و وەک تایبەتمەندیێکى (شۆڕشگێرانە) ناوى دەنێت کە لە مۆبایلى (ئایفۆن ٧ پڵەس)دا پێشکەشى دەکات!
  2. بەرگرى لەبەرامبەر ئاو و تۆزدا: گشتمان دەزانین ئەو تایبەتمەندییە پێش چەندین ساڵ لە بەرهەمەکانى سۆنى و سامسۆنگ و مۆتۆرۆلا و چەندانى تردا هەبووە، پێش ئەوەى ئەپل لە مۆبایلى (ئایفۆن ٧ و ئایفۆن ٧ پڵەس) بەکاریبهێنێت!
  3. بڵندگۆکان بە تەکنەلۆژیاى ستێریۆ: بەهەمان شیوەى خاڵى یەکەم، ئێچ تى سى لە بەکارهێنانى ئەم تەکنەلۆژیایەشدا پێشەنگە و لە هەریەکە لە مۆبایلەکانى (HTC One M8) لە سەرەوە و خوارەوەى بڵندگۆکانى و لە مۆبایلى (HTC 10)دا لە خوارەى بڵندگۆکەى بەکاریهێناوە کە لەگەڵ بیستۆکیش کاردەکەن سەرەڕاى چەندان کاریگەرى جۆرایەتى بەرز، بەهەمان شێوەى ئێچ تى سى و یەهەمان جۆرایەتى و شێواز، کۆمپانیاى (ئەپڵ) لە نەوەى نوێی ئایفۆندا بەکاریهێناوە!
  4. دوگمەى سەرەکى: نەوەى نوێی ئایفۆن هەمان دوگمە کۆنە میکانیکییە کۆنەکەى لەسەر نییە، بەڵکو دانەیەکى نوێی هەیە کە چەندان کار ئەنجام دەدات و بە (Taptic Button) ناسراوە، ئەم دوگمەیە لە چەندان مۆبایلى ئەندرۆییدا بوونى هەیە کە دیارترینیان بریتین لە مۆبایلەکانى (OnePlus 3) و (HTC One A9).
  5. لابردنى دەرچەى بیستۆکى ئاسایی ٣،٥ملم: کۆمپانیاى مۆتۆرۆلا لە مۆبایلى (Moto Z)دا دەرچەى بیستۆکى ئاسایی لابرد و نەیهێشت بۆ ئەوەى زیاتر سوود وەربگرێت لە بەکارهێنانى دەرچەى (یو ئێس بى – جۆرى سى ، USB Type-C) و بەرهەمە زیاتر تەنک بێت، ئەمەش هەمان ئەو شتەیە کە ئەپل لە (ئایفۆن ٧)دا کردوویەتى!

س/ Ardroid

بۆچونی تۆ