ئامێرە هەمەجۆرەکان 6, كانونی یه‌كه‌م 2017

لامبۆرگینی ئیتاڵیی نوێترین و سەرنجڕاکێشترین ئۆتۆمبێلی خۆی ئاشکراکرد


لامبۆرگینی کۆمپانیایەکی تایبەتمەندی دروستکردنی ئۆتۆمبێلە و خاوەنی چەندین ئۆتۆمبێلی تایبەتمەندی بەرز و بەهێزە کە لەگەڵیدا نرخەکانیان نرخ گەلێکی خەیاڵین و کەسانی ئاسایی توانای کڕینیان نییە.

ئێوارەی دوێنێ سێشەممە ٥-١١-٢٠١٧ لامبۆرگینی نوێترین ئۆتۆمبێلی خۆی ڕاگەیاند ئەویش لامبۆرگینی یورەسە(Urus) کە سەرنجڕاکێشترین جۆری ئۆتۆمبێلەکانی لامبۆرگینییە بەم هۆکارانەی خوارەوە:

  • یەکەمین جۆری ئۆتۆمبێلی (SUV)ــیە کە کۆمپانیاکە درووستی کردبێت.
  • دوا بە دوای ئەم بەرهەمە دوور نییە لاکبۆرگینی ڕووی دروستکردنی خۆی بۆ جۆرایەتییەکانی تری ئۆتۆمبێلەکان بکاتەوە و دوور نییە کە ماتۆڕسکیل و بارهەڵگریش درووست نەکات
  • توانای ئەم ئۆتۆمبێلە کێبڕکێی ئۆتۆمبێلە بەهێزەکانی جۆری (SUV) دەکات و ئەمەش دەبێتە کێبڕکێیەکی بەهێز و بینینی چەندین ئۆتۆمبێلی ناوازەتر لە داهاتوودا.

دەربارەی تواناکانی ئۆتۆمبێلەکە ئەم زانیارییانە ئاشکراکراون:

توانای بزوێنەر:

  • ژمارەی سلندەر ٨ سلندەرە.
  • قەبارەی بزوینەرەکە ٣٩٩٦ سانتیمەتر سێجایە.
  • توانای ٦٥٠ ئەسپی هەیە.
  • خێراییەکەی ٦٨٠٠ سووڕە لە خولەکێکدا.

گێڕ و گوازەرەوەی وزە:

  • سیستمی (4WD) کە کورتکراوەی (Four-Wheel-Drive)ـــە لەسەر جێگیر کراوە.

جێبەجێکاری:

  • باڵاترین خێرایی ئۆتۆمبێلەکە ٣٠٥ کیلۆمەترە لە کاتژمێرێکدا.
  • خێراییەکەی لە ٠ تا ١٠٠ کیلۆمەتر/کاتژمێر یاخود (٠ تا ٦٢ میل/ کاتژمێر) لە ماوەی ٣,٦ چرکە دەبێت.
    توانای ڕاوەستانی لە ١٠٠ بۆ ٠ کیلۆمەتر/کاتژمێر یاخود (٦٢ تا ٠ میل/ کاتژمێر) لە ٣٣ مەتردایە.

ویل و تایەکان:

  • ویلی پێشەوە لە جۆری 9.5Jx21″ ET28 قەبارە ٢١ ئینچە.
  • ویلی دوواوە لە جۆری 10.5Jx21″ ET18 قەبارە ٢١ ئینچە.
  • تایەی پێشەوە لە جۆری 285/45 ZR21ــیە.
  • تایەی دواوە لە جۆری 315/40 ZR21ــیە کە کەمێک فراوانترە لە تایەی پێشەوە.

پێوانەکانی ئۆتۆمبێلەکە:

  • کێشی ئۆتۆمبێلەکە ٢٢٠٠ کیلۆگرامە (٢ تەن و ٢٠٠ کیلۆگرام).
  • درێژی ئۆتۆمبێلەکە ٥١١٢ میلیمەترە.
  • بەرزی ئۆتۆمبێلەکە ١٦٣٨ میلیمەترە.

بەکارهێنانی سوتەمەنی:

  • سوتەمەنی پێویست بۆ هەر ١٠٠ کیلۆمەترێک ١٢ لیترە.
  • بەرهەمهێنانی گازی دوانەئۆکسیدی کاربۆن ٢٩٠ گرامە لە هەر کیلۆمەترێدا.

نرخ: 

  • نرخی ئۆتۆمبێلەکە بە نزیکەیی ٢٠٠ هەزار دۆلارە.

تۆی خوێنەریش دەتوانیت بە خواستی خۆت گوزەرێک بکەیت بەناو ئۆتۆمبێلەکەدا و جوانکاری بۆ ئۆتۆمبێلەکە بکەیت لەم بەستەرەی خوارەوە. کرتە بکە

بینەری ڤیدیۆی ڕیکلامی کۆمپانیاکە بن بۆ ئۆتۆمبێلە نوێیەکەیان.

[su_youtube_advanced url=”https://youtu.be/Xo1pEPoYi8Y”]
سەرچاوە :
بۆچونی تۆ