شاومی

کۆمپانیای شاومی هەڵدەستێت بە ڕاگەیاندنی Mi Band 3 بە نرخێکی کەمتر لە ٣٠ دۆلار

لە دوای ئەو سەرکەوتنە گەورەیەی بە دەستی هێنا Mi Band 2 لەگەڵ گونجاوی نرخەکەشیدا کۆمپانیای شاومی لە ڕۆژی ڕابردوودا هەستا بە ڕاگەیاندنی Mi Band 3 کە هەڵگری سەرجەم تایبەتمەندییە سەرەکییەکانی وەک هەژمارکردنی هەنگاوەکان و پێوانی ڕێژەی لێدانی دڵ، هەروەها بەکارهێنەر لە ڕێگەیەوە دەتوانێت وەڵامی پەیوەندییە تەلەفۆنییەکان بداتەوە.

گرنگترین تایبەتمەندییەکانی:-

  • ڕوونما: OLED بە قەبارەی ٠.٧٨ ئینچ
  • کوالێتی: ١٢٨×٨٠ پێکسڵ
  • بلوتوس: ٤.٢
  • توانستی باتری: ١١٠ میللی ئەمپێرە کە بە ڕێژەی لە سەدا ٥٠% توانای زیاترە لەوەی پێش خۆی
  • جۆری چیپ: NFC

هەروەها کۆمپانیای شاومی وتیشی کە باتری ئامێرەکە هەتاوەکو ٢٠ ڕۆژ بەردەوام دەبێت و لە ڕۆژی سێشەممەی داهاتوو لە بەرواری ٢٠١٨/٦/٥ بەردەست دەبێت بە نرخی ٢٦ دۆلار.

1 حوزه‌یران، 2018
ئاڤاتار
ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.
891