توێژینەوەیەکی ئیسپانی نوێ دەریدەخات زۆر بەکارهێنانی مۆبایل دەبێتە هۆی تووشبوون بە شێرپەنجەی مێشک. توێژینەوەکە لە پەیمانگەیەکی تەندروستی جیهانی لە بەرشەلۆنە ئەنجامدراوە. دەرکەوتووە بەکارهێنانی بیستۆک (هێدفۆن) و زۆر مانەوەی تەلەفۆن بە گوێچکەتەوە دەبێتە هۆی تووشبوون بە شێرپەنجەی مێشک.
لە ماوەی ڕابردوودا توێژینەوەیەکی تر کرا لەسەر بیستۆک (هێدفۆن) دەربارەی ئەوەی بیستۆک چەندێک مەترسیدارە، توێژینەوەکە لە هۆڵەندا ئەنجامدرا و دەرکەوت ئەو کەسانەی لە ڕێگەی بیستۆکەوە گوێ لە مۆسیقا دەگرن ئەگەری هەیە تووشی لاوازی بیستن ببن.
هەروەها لە لایەکی تریشەوە دوای ئەوەی توێژینەوەیەک بۆ 9000 کەس ئەنجامدرا لە 7 دەوڵەتی جیاوازەوە، لە ئەنجامدا 5000 کەس وەرەمیان لە مێشک دایە و تۆی بەڕێزیش ئەگەر یەکێکیت لە بەکارهێنەرانی بیستۆک و دەتەوێت تووشی هیچ نەخۆشیەک نەبیت، ئەوا بە کەم بەکارهێنانی بیستۆک دەتوانیت خۆت لە زیان و تووشبوون بە نەخۆشییەکان بپارێزیت.
