وەنپڵەس نوێکاری ڕەوانەی مۆبایلەکانی 5 و 5T و 6 کرد

ڕەوانە کردنی وەشانی OxygenOS (بنچینە کراو لەسەر Android Pie) بەردەوامە بۆ مۆبایلە نیمچە کۆنەکانی وەنپڵەس، ئەمڕۆ وەشانی OxygenOS ڕەوانەی مۆبایلەکانی وەنپڵەس 5 و 5T و 6 کرا لە لایەن وەنپڵەسەوە. وەشانەکە لە ژێر دوو ژمارەی جیاوازدا ڕەوانە کراون و مەبەست لە ناردنی وەشانەکان بۆ چارەسەر کردنی چەند کێشەیەک و زیاد کردنی چەند تایبەتمەندییەک بووە.

وەشانە نوێیەکەی OxygenOS بۆ مۆبایلەکانی وەنپڵەس 5 و 5T وەشانی ژمارە 9.0.1 ـە، خۆی دەبینێتەوە لە چەند چاکسازییەک کە بریتین لە:

• باشتر کردنی پەیوەست بوون بە وایفای.
• باشتر کردنی باری نیشاندانی sRGB.
• باشتر کردنی باری خوێندنەوە (Reading mode).
• چارەسەر کردنی کێشەی کارنەکردنی دوگمەی 4G VoLTE.
• چارەسەر کردنی کوژاندنەوە و هەڵبوونی لە ناکاو لە کاتی Screen Casting.

هەرچی دەربارەی وەشانە نوێیەکەی OxygenOS ـە بۆ وەنپڵەس 6 وەشانی ژمارە 9.0.3 ـە، خۆی دەبینێتەوە لە چەند چاکسازی و نوێکارییەک کە بریتین لە:

• باشتر کردنی پەیوەست بوون بە وایفای.
• باشتر کردنی پەیوەست بوون بە Bluetooth.
• لەخۆ گرتنی ڕێڕەوی ئەندرۆید بۆ مانگی ١٢ ـی ٢٠١٨.
• باشتر کردنی Nightscape.
• باشتر کردنی slow-motion.
• باشتر کردنی بەردەوامی پڕۆسەی وێنەکان.
• زیاد کردنی دەستکاری کردنی ئاوازی دەنگ بۆ بیستۆکە Bluetooth ـەکان.

بەم شێوەیە پشکنین بۆ وەشانەکە بکە و دایبەزێنە(ئەگەر بە دەستت گەیشتووە):

• کردنەوەی ئەپی Settings
• کردنەوەی بەشی About
• کردنەوەی بەشی Software Updates

ماکوان بەرزان

نووسەری پێشکەوتوو، هەوادار و گەشەپێدەری سەکۆکانی ئەپڵ.