10
ماتلاب 14, كانونی دووه‌م 2019 بۆچوون

وێنەیەکی زیندووی مۆبایلی OnePlus 7 دزەپێکرا

ماوەیەکی زۆر تێنەپەڕیوە بەسەر ڕاگەیاندنی مۆبایلی OnePlus 6T بەڵام ئەمە واینەکردووە کۆمپانیای وەن پڵەس کارنەکات لەسەر مۆبایلی داهاتووی، لەم بارەوە لە ماوەی چەند ڕۆژی ڕابردوودا وێنەیەک بڵاوبووەتەوە تیایدا مۆبایلی OnePlus 6T و مۆبایلێکی دیکە دەردەکەوێت، مۆبایلەکە دەوترێت OnePlus 7ـە کە دەبێتە مۆبایلی داهاتووی کۆمپانیای ناوبراو و وا دیارە دیزاینێکی جیاوازی دەبێت لەگەڵ مۆبایلەکانی پێشووی بە شێوەیەک خاوەنی لێوارێکی ئێجگار تەنکە.

هەروەها لە ڕووی دیزاینەوە تا ڕادەیەک هاوشێوەی دیزاینی مۆبایلی Oppo Find Xـە لەگەڵ ئەوەشدا لە وێنەکە OnePlus 7 لە بەشی سەرەوەی خاوەنی پارچەیەکە کە وا دیارە بە هەمان شێوە لەمەشدا هاوشێوەی مۆبایلی Oppo Find Xـە، ئەم تایبەتمەندیە وا دەکات کاتێک ویستت وێنە بە مۆبایلەکە بچرکێنیت کامێراکە لە مۆبایلەکەوە بێتە دەرەوە، بە هەر حاڵ پێشبینی دەکرێت مۆبایلی داهاتووی وەن پڵەس ڕابگەیەنرێت لە مانگی پێنجەمی ئەم ساڵدا و پێشبینیش دەکرێت مۆبایلەکە کاربکات بە هێڵەکانی نەوەی پێنجەم 5G.

 

تاگەکان OnePlus 7
بۆچونی تۆ