10
گەرمترین 9, ئه‌یلول 2019 بۆچوون

وێنە و تایبەتمەندییەکانی مۆبایلی Vivo V17 Pro دزەیان پێکرا

ئەمە یەکەمجار نییە کە وێنە و زانیارییەکانی مۆبایلی Vivo V17 Pro دزەیان پێدەکرێت، بەڵام ئەمجارە تەواوی دیزاینی مۆبایلەکە و گرنگترین تایبەتمەندییەکانی ئاشکرا بوون.

بە پێی چەند وێنەیەک بێت کە بە دەست پێگەی WinFuture کەوتوون، مۆبایلی نوێی Vivo V17 Pro ـی کۆمپانیای Vivo لە پشتەوە خاوەن 4 دانە کامێرای ڕوون بەرز دەبێت و لە پێشەوەش خاوەن 2 کامێرا دەبێت کە لە دەرەوەی ڕوونماکەیدا دەبن و لە جۆری دەرکەوتە دەبن.

هەر بە پێی کۆمەڵێک زانیاری دزەپێکراو کە هەمان پێگە بڵاوی کردۆتەوە، مۆبایلی نوێی Vivo V17 Pro خاوەن ڕوونمایەکی قەبارە 6.44 ئینجی دەبێت لە جۆری Super AMOLED و بە وردی نیشاندانی 1080 بە 2440 پێکسڵ و بە چێوەی 21:9، هەروەها هەستەوەری پەنجەمۆریش لەسەر ڕوونمایەکدا جێگیر دەکرێت. ڕوونی کامێرایەکی پشتەوەی 48 مێگاپێکسڵ دەبێت و ڕوونی 2 کامێرا دەرکەوتەکەی پێشەوەشی 32 و 2 مێگاپێکسڵ دەبن.

سەبارەت بە ڕەقەکاڵاکانی دیکەی، بە هەمان شێوەی مۆبایلی V15 Pro، ئەم نەوەیەی زنجیرەی V ـیش پڕۆسێسەری Snapdragon 675 ـی لەسەر جێگیر دەکرێت و خاوەن ڕامێک دەبێت بە فراوانی 8 گێگابایت و لەگەڵ بیرگەیەکی ناوەکیدا بە قەبارەی 128 گێگابایت. هەروەها خاوەن پاترییەک دەبێت بە توانستی 4,100 ملی ئەمپێر.

تاوەکو ئێستا ڕێکەوتی ڕاگەیاندنی مۆبایلەکە نەزاندراوە، بەڵام پێشبینی ناکرێت کاتێکی هێندە درێژ بخایەنێت.

سەرچاوە :
بۆچونی تۆ