چۆنیەتی پەیوەستکردنی کۆنتڕۆڵی Xbox One بە ئایفۆن، ئایپاد یاخود ئەپڵ تیڤییەوە

دەتوانیت بە یارمەتی ئەم بابەتە و بە بێ هیچ ئەپڵیکەیشنێک، کۆنتڕۆڵی Xbox One ـەکەت پەیوەستی ئایفۆن، ئایپاد یاخود ئەپڵ تیڤییەت بکەیت.

یەکێک لە تایبەتمەندییەکانی وەشانە نوێیەکانی iOS 13 و iPadOS 13 و tvOS 13، هەبوونی پشتگیری پەیوەستکردنی کۆنتڕۆڵەکانی PlayStation 4 و Xbox One و کۆنتڕۆڵەکانی دیکە بوو بە ئامێرەکانەوە بۆ سوود وەرگرتن لێیان بە مەبەستی یاریکردن.

چۆنیەتی پەیوەستکردنی کۆنتڕۆڵی Xbox One بە ئایفۆن و ئایپاد:

• سەرەتا پێویست دەکات نوێترین جۆری کۆنتڕۆڵی Xbox One ـت هەبێت.
• کردنەوەی ئەپی Settings.
• کردنەوەی بەشی Bluetooth.
• ئێستا ئەمە ئەنجام بدە لەگەڵ کۆنتڕۆڵەکە: کرتە لە دوگمەی هەڵکردنی بکە تاوەکو بەخەبەر بێت، لە پاشان فشار لەسەر دوگمەی Pair لە بەشی ڕووی سەرەوەی کۆنتڕۆڵەکە بکە.
• لە پاشان، فشارت لەسەر دوگمەکە بهێڵەوە بۆ ماوەی 5 چرکە و پرتە کردنی گڵۆپی دوگمەی سەرەکی کۆنتڕۆڵەکە.
• ئێستا بگەڕێرەوە بۆ سەر ئایفۆن یاخود ئایپادەکەت: تێبینی دەرکەوتنی ناوی Xbox Wireless Controller دەکەیت لە لیستی بەشی Bluetooth ـدا.
• کرتە لەسەر ناوەکە بکە.
• ئێستا بە سەرکەوتوویی کۆنتڕۆڵەکە پەیوەستی ئامێرەکەت بوو.

چۆنیەتی پەیوەستکردنی کۆنتڕۆڵی Xbox One بە ئەپڵ تیڤی:

• کردنەوەی ئەپی Settings.
• کردنەوەی بەشی Bluetooth.
• ئێستا ئەمە ئەنجام بدە لەگەڵ کۆنتڕۆڵەکە: کرتە لە دوگمەی هەڵکردنی بکە تاوەکو بەخەبەر بێت، لە پاشان فشار لەسەر دوگمەی Pair لە بەشی ڕووی سەرەوەی کۆنتڕۆڵەکە بکە.
• لە پاشان، فشارت لەسەر دوگمەکە بهێڵەوە بۆ ماوەی 5 چرکە و پرتە کردنی گڵۆپی دوگمەی سەرەکی کۆنتڕۆڵەکە.
• ئێستا بگەڕێرەوە بۆ سەر ئەپڵ تیڤییەکەت: تێبینی دەرکەوتنی ناوی Xbox Wireless Controller دەکەیت لە لیستی بەشی Bluetooth ـدا.
• کرتە لەسەر ناوەکە بکە.
• ئێستا بە سەرکەوتوویی کۆنتڕۆڵەکە پەیوەستی ئامێرەکەت بوو.

لە دوای تەوابوون لە بەکارهێنانی کۆنتڕۆڵەکە، دەتوانیت لە بەشی Bluetooth ـی ئامێرەکەتدا کرتە لە هێمای (i) بکەیت و ئامێرەکە ناچالاک بکەیت.

ماکوان بەرزان

خوێندکاری پەیمانگەی کۆمپیوتەرم، لە پاڵ ئەوەشدا پڕۆگرامەرم و لێرەش بەڕێوەبەری نووسین و نووسەرم تاوەکو دواین هەواڵ و زانیاری و وردەکارییەکانی پەیوەندیدار بە تەکنەلۆژیا بخەمە بەردەستی خوێنەر.