باشترین یارییە نوێیەکانی مانگی پێشووی پلەیستەیشن ٤

 

سۆنی بەردەوامە لە هەماهەنگی لەگەڵ گەورە و بچوکی کۆمپانیاکانی دروستکەری یارییە ڤیدیۆییەکان و مانگی پێشووش ٦٣ یاری نوێ و نوێکردنەوەی گەورە بۆ ئامێری پلەیستەیشن ٤ بەردەست کراون! بەمەش کۆی گشتی یارییە بەردەستەکانی ئامێرەکە گەیشتە ١٥٤٢ یاری.

یارییە نوێیەکان هەمەجۆرن و لە ڕووی گرنگی و ناوبانگ و ڕاکێشانی سەرنجی شەیدایانی یارییە ڤیدیۆییەکانەوە لە ئاستی جیاوازدان و کۆمەڵێکیان زیاتر شایەنی باسن وەک لەوانی تر.

یەکێک لە گرنگترین یارییە نوێیەکان Tekken 7ە کە بۆ ئێکس بۆکس وەن و ویندۆزیش بەردەستە و هەر زوو ژمارەیەکی زۆر فرۆشی تۆمار کردووە.

 

 

یەکێکی تر لە باشترین یارییە نوێیەکان بریتییە لە Nex Machina کە شێوازێکی پڕ چێژ و تا ڕاددەیەک سادەی هەیە و بەرز هەڵسەنگێندراوە لە لایەن ماڵپەڕە جیهانییەکان، هەروەها بۆ ئێکس بۆکس بەردەست نییە بەڵکو تەنها بۆ پلەیستەیشن و ویندۆز بەردەستە.

 

 

هەوادارانی پێشبڕکێی ئۆتۆمبێلیش بێبەش نین و دەتوانن یاری Dirt 4 تاقی بکەنەوە کە زۆر نایابە، هەروەها بۆ ئێکس بۆکس و ویندۆزیش بەردەستە.

 

 

یەکێکی تر لەو یارییانەی شایەنی باسە یاری Arizona Sunshineە کە ماوەی چەند مانگێکە بۆ ویندۆز بەردەستە و لە ئێستادا بۆ پلەیستەیشنیش بەردەست بووە، یارییەکە لە جۆری خەیاڵی ڕاستەقینەیە و بە ئامێری Playstation VR کار دەکات، هەروەها لە جۆری کەسی یەکەمی تەقەکەرە و تیایدا ڕووبەڕووی زۆمبییەکان دەبیتەوە.

 

 

کۆمەڵێکی زۆر لە یارییە نوێیەکان ئاست بەرز و شایەنی تاقی کردنەوەن وەک Get Even، Dead by Daylight، Victor Vran.