10
ئەپڵ 30, نیسان 2015 بۆچوون

ئه‌نجامی فرۆش و قازانجه‌كانی كۆمپانیای ئه‌پڵ بۆ چاره‌گی دووه‌می ٢٠١٥

291

 

زۆربه‌ی كۆمپانیاكان له‌ جیهان له‌ هه‌موو چاره‌گی ساڵ و كۆتاییه‌كانی ئه‌نجامی ده‌ستهاته و قازانجه‌ ئابوریه‌كانیان ده‌خه‌نه‌ ڕوو، كۆمپانیای ئه‌پڵیش یه‌كێكه‌ له‌و كۆمپانیایانه‌ كه‌ بۆ چاره‌گی دووه‌می ساڵی ٢٠١٥، ئه‌نجامی فرۆش و قازنجه‌ وه‌ده‌ستهاتووه‌كانی خۆی ئاشكرا كرد.

كۆمپانیای ئه‌پڵ فرۆش و داهاته‌كانی خۆی به‌ قه‌باره‌یه‌كی گه‌وره‌ ڕاگه‌یاند كه‌ بڕكه‌ی به‌ ٥٨ ملیار دۆلاری ئه‌مریكی ده‌خه‌ملێنرێت، كه‌ ئه‌مه‌ش به‌ به‌رامبه‌ر له‌گه‌ڵ هه‌مان كاتی ساڵی ڕابردوو جیاوازیه‌كی زۆر گه‌وره‌ی هه‌یه‌، له‌گه‌ڵ ئه‌وه‌ی فرۆشی ئامێری ئایپاد كه‌می كردووه‌ به‌ڵام داهاته‌كانی كۆمپانیای ئه‌پڵ زیادی كردووه‌ كه‌ ئه‌مه‌ش ته‌واوی وورده‌كاری فرۆشی ئامێره‌كانیه‌تی.

وورده‌كاری فرۆشی ئامێره‌كانی كۆمپانیای ئه‌پڵ:

● كۆمپانیای ئه‌پڵ ٦١.٢ ملیۆن ئامێری ئایفۆنی فرۆشتووه‌، وه‌ به‌ به‌راورد له‌گه‌ڵ ساڵی رابردوو ٤٣.٧ ملیۆن ئامێری ئایفۆن فرۆشت بوو.

● كۆمپانیای ئه‌پڵ ١٢.٦ ملیۆن ئامێری ئایپادی فرۆشتووه‌، وه‌ به‌ به‌راورد له‌گه‌ڵ ساڵی رابردوو ١٦.٣٥ ملیۆن ئامێری ئایپادی فرۆشت بوو.

● كۆمپانیای ئه‌پڵ ٤.٥٦ ملیۆن كۆمپیوته‌ری ماكی فرۆشتووه‌، وه‌ به‌ به‌راورد له‌گه‌ڵ ساڵی رابردوو ٤.١ ملیۆن كۆمپیوته‌ری ماكی فرۆشت بوو.

● كۆی گشتی فرۆش و قازانجه‌كانی كۆمپانیای ئه‌پڵ بریتیه‌ له‌ ٥٨ ملیار دۆلاری ئه‌مریكی، وه‌ به‌ به‌راورد له‌گه‌ڵ ساڵی رابردوو ٤٥ ملیار دۆلار.

بۆچونی تۆ