نوێترین تایبەتمەندیە دزەپێکراوەکانی مۆبایلی LG V40 ThinQ پێش ڕاگەیاندنی بە فەرمی

لەگەڵ نزیکبوونەوەی کۆنگرەی ڕاگەیاندنی مۆبایلی LG V40 ThinQ کە لە بەرواری 3/10/2018 دەبێت هەواڵە دزەپێکراوەکان زیاتر دەبن دەربارەی مۆبایلەکە، بە پێی وتەی دزەپێکەری بەناوبانگ @evleaks کە هەستاوە بە ئاشکرا کردنی سەرجەم تایبەتمەندی و دیزاینی مۆبایلەکە، مۆبایلە نوێیەکەی ئێڵ جی خاوەنی سێ کامێرا دەبێت لە بەشی پشتەوە لەگەڵ دوو کامێرا لە بەشی پێشەوە لەگەڵ ئەوەشدا خاوەنی هەستەوەری پەنجەمۆرە لە بەشی پشتەوە و هەروەها هەڵگری دوگمەیەکی تایبەتە بە خزمەتگوزاری Google Assistant.

گرنگترین تایبەتمەندیە دزەپێکراوەکانی:-

• ڕوونما: لە جۆری FullVision OLED و بە قەبارەی 6.4 ئینج و بە ڕوونی 3120×1440 پێکسڵ و داپۆشراوە بە چینێک لە شوشەی پارێزەری Gorilla Glass 5
• پڕۆسێسەر: هەشت ناوکی لە جۆری Snapdragon 845
• پڕۆسێسەری گرافیک: Adreno 630
• ڕام: 6 گێگابایت
• بیرگە: 64 یان 128 گێگابایت و دەتوانرێت لە ڕێگەی بیرگەی دەرەکیەوە microSD زیادبکرێت هەتاوەکو 2 تێرابایت
• کامێرای پشتەوە: سێ کامێرا بە ڕوونی 12+16+12 مێگاپێکسڵ
• کامێرای پێشەوە: دوو کامێرا بە ڕوونی 8+5 مێگاپێکسڵ
• توانستی پاتری: 3300 میللی ئەمپێر و پشتگیری دەکات لە بارگاویکردنەوەی خێرا و بێ تەل
• پاراستن: هەستەوەری پەنجەمۆر لە بەشی پشتەوەی جێگیر کراوە
• دەرچە: لە جۆری usb type C
• سیستمی وەگەڕخەر: ئەندرۆید پای 9.0 بە ڕووکاری LG UX
• نرخ: نەزانراوە
• بەرواری ڕاگەیاندن: 3/10/2018

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.