یاری Far Cry New Dawn لە لایەن گروپی CODEXـەوە هاککرا

ڕۆژی ڕابردوو گروپی خۆشەویست لە لای گەیمەران CODEX سەرکەوتوو بوون لە تێپەڕاندنی پاراستنی یاری Far Cry New Dawn و بڵاوکردنەوەی بە خۆڕایی لەسەر ماڵپەڕە جیاوازەکان، یاری Far Cry New Dawn کاردەکات بە سیستمی پاراستنی دینۆڤۆ وەشانی 5.6 و پاش تەنها 7 ڕۆژ لە بڵاوکردنەوەی بە فەرمی یاریەکە لە لایەن CODEXـەوە هاککرا.

شایەنی باسە هەمان سیستمی پاراستن کاریپێدەکرا لەسەر یاری Metro Exodus و ئەویش بە هەمان شێوە لە ماوەی چەند ڕۆژی ڕابردوودا پاراستنی یاریەکە لە لایەن گروپی CPYـەوە تێپەڕێندرا و بە خۆڕایی بڵاوکرایەوە بۆ بەکارهێنەران، ئەم کارانەش وا دەکات لە کۆمپانیای دینۆڤۆ ڕێژەی پاراستنی زیاتر و ئاڵۆزتر بکات.

لە کۆتاییشدا ئێمە وەک کەی ئای تی ئێن بە هیچ شێوەک پشتگیری لە یاری کڕاککراو یاخود هاککراو ناکەین و پێشنیار دەکەین وەک پشتگیریەک بۆ کۆمپانیای بەرهەمهێنەری یاریەکە ئەویش UBISOFTـە یاریەکە بکڕن کە نرخی 40$ دۆلارە، هەروەها ئێمە لە چوارچێوەی گواستنەوەی هەواڵدا ڕاپۆرتەکەی سەرەوەمان بۆ ئێوەی خوێنەر بڵاوکردووەتەوە.

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.