سۆنى دوو مۆبایلى نوێی ڕاگەیاند

 ئەمڕۆ دووشەممە کۆمپانیاى سۆنى یابانى پەردەى لەسەر دوو مۆبایلى هۆشمەندى نوێ بەناوەکانى “Xperia C5 Ultra” و “Xperia M5” لادا. لە خوارەوەدا تایبەتمەندییەکانى هەردوو مۆبایلەکەتان بۆ دەخەینە ڕوو:

تایبەتمەندییەکانى مۆبایلى Xperia M5:

• ڕوونماکەى ٥ ئینجە بەڕوونى 1080×1920 پێکسڵ و بەچڕى ٤٤١ پێکسڵ لە ئینجێکدا.
• بە پرۆسێسەرى Mediatek MT6795 هەشت ناوکى و بەخێرایی ٢ گێگاهێرتز کاردەکات.
• قەبارەى ڕامەکەى ٣ گێگابایتە.
• بیرگەى نێوخۆیی ١٦ گێگابایتە و تواناى زیادرکردنى هەیە بە ڕێگەى بیرگەى دەرەکى لە جۆرى microSD تا ٢٠٠ گێگابایت.
• کامێراى دواوەى ٢١،٥ مێگاپێکسڵە بە هەستەوەرى Exmor RS، بەهۆى تەکنەلۆژیاى Hybrid AF تواناى گرتنى وێنەى هەیە تەنها لەماوەى ٠،٢٥ چرکەدا، وە تواناى تۆمارکردنى ڤیدیۆى هەیە بەڕوونى 4K و بەجۆرایەتى ٢١٦٠ پێکسڵ.
• کامێراى پێشەوەى ١٣ مێگاپێکسڵە بە هەستەوەرى Exmor RS، تایبەتمەندە بە تیشکى خۆکارانە.
• هێزى پاترییەکەى ٢٦٠٠ میلى ئەمپێرە لە کاژێرێکدا.
• بە سیستەمى ئەندرۆید وەشانى ٥،٠ لۆلیپۆپ کاردەکات.
• پشتگیرى تۆڕەکانى نەوەى چوارەم LTE دەکات.
• تەنکیەکەى ٧،٦ میلیمە.
• کێشەکەى ١٤٢،٥ گرامە.

جێگە ئاماژە پێکردنە مۆبایلەکە دژە ئاو و تۆزە و دەتوانێت تا قوڵایی ١،٥ مەتر و بۆماوەى ٣٠ خولەک لەژێر ئاودا بێت و پێوەرى IP68 پێدراوە.

[youtube]https://www.youtube.com/watch?v=4vIEK2tb8c8[/youtube]

تایبەتمەندییەکانى مۆبایلى Xperia C5 Ultra:

• ڕوونماکەى ٦ ئینجە لەجۆرى LCD بەڕوونى 1080×1920 پێکسڵ.
• بە پرۆسێسەرى  MediaTek هەشت ناوکى و بەخێرایی ٢ گێگاهێرتز کاردەکات.
• قەبارەى ڕامەکەى ٢ گێگابایتە.
• بیرگەى نێوخۆیی ١٦ گێگابایتە و تواناى زیادرکردنى هەیە بە ڕێگەى بیرگەى دەرەکى لە جۆرى microSD تا ٢٠٠ گێگابایت.
• کامێراى دواوەى ١٣ مێگاپێکسڵە لەگەڵ هەستەوەرى Exmor RS.
• کامێراى پێشەوەى ١٣ مێگاپێکسڵە لەگەڵ فلاش و هەستەوەرى Exmor RS.
• هێزى پاترییەکەى ٢٩٣٠ میلى ئەمپێرە لە کاژێرێکدا.
• بە سیستەمى ئەندرۆید وەشانى ٥،٠ لۆلیپۆپ کاردەکات.
• پشتگیرى تۆڕەکانى نەوەى چوارەم LTE دەکات.
• تەنکیەکەى ٨،٢ میلیمە.
• کێشەکەى ١٨٧ گرامە.

هەردوو مۆبایلەکە لەم مانگەدا دەخرێنە بازاڕەوە بەڵام تاکو ئێستا هیچ زانیاریەک نییە دەربارەى نرخەکانیان.

ژێدەر: gsmarena + SonyMobile