Firefoxی ٤٠ بە پشتگیری لە ویندۆز ١٠ بڵاوکرایەوە

لەگەڵ بەگشتیکردنی ویندۆز ١٠ ڕاستەوخۆ مۆزێلا ڕەخنەی ئاراستەی مایکرۆسۆفت کرد بە سەختکردنی ڕێگەی دانانی وێبگەڕی بنچینەیی لە ویندۆز ١٠ و هەر لەبەرئەمە ئەمڕۆ وەکو کاردانەوەیەک مۆزێلا وەشانی ٤٠ی لە فایەرفۆکس بڵاوکردەوە کە ڕووکارەکەی گونجێنراوە بۆ ویندۆز ١٠ و پارێزگاری بەهێزترکراوە بۆ ئەو زیادکراوانەی پارێزراونین.

لەم وەشانەدا وێنۆچکەکان(ئایکۆنەکان) گەورەترکراون بەمەبەستی گونجاندانی لەگەڵ وەشانی تازەی ویندۆز و ئەمە سەرباری ئەوەی مۆزێلا چەند تایبەتمەندیەکی نوێی پارێزگاری زیادکردووە کە بنچینەکراون بە خزمەتگوزاری گووگڵ بۆ گەڕانێکی پارێزراو لەسەر ئینتەرنێت.

وەکو کاردانەوەیەکش لەگەڵ بەرزکردنەوەی فایەرفۆکسەکەت بۆ وەشانی ٤٠ و کردنەوەی بۆ یەکەم جار بە پەڕەیەکی وێب پێشوازیت لێدەکرێت کە ٣ هەنگاوی ئاسانی داناون سەبارەت بە چۆنیەتی گۆڕینی وێبگەڕی بنچینەیی لە ویندۆز ١٠دا کە دوا هەنگاو پەیامێک دێتە سەرشاشە و ئاماژەی بەڕێگای گۆڕینەکە داوە وەکو لەم وێنەی خوارەوە دەردەکەوێت.

بەڕێزان ئێوەش دەتوانن لەم لینکە دوایین وەشانی فایەرفۆکس دابگرن:http://firefox.com

سەرچاوە theregister.co.uk

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە 8 ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!