چۆنیەتی داگرتنی ڤیدیۆ لە گشت ماڵپەڕەکان لەڕێگەی Telegramـەوە

بێگومان بۆ داگرتنی ڤیدیۆ لە ماڵپەڕە بەناوبانگەکانی ڤیدیۆیی وەکو یوتیوب و ڤیمیۆ و دەیلی مۆشن و زیپ کاست و …هتد، چەندان ڕێگە بەردەستن بەڵام بە بڕوای من ئاسانترینیان ئەم ڕێگەیەیە ئێستا لەخوارەوە چۆنییەتیەکەی باس دەکەم. بێگومان ئەگەر هەمووان ناوی مێسنجەری تێڵەگراممان نەبیستبێت، زۆربەمان بیستومانە و بەکاریدەهێنین. ئەو ڕێگایەشی ئێمە باسی دەکەین ئەوە لەڕێگەی تیلەگرامەوە ئەنجام دەدرێت بۆیە هەر لەسەرەتاوە لەسەر ئامێرەکەت جا کۆمپیوتەر بێت یان مۆبایل تێلەگرام دابگرە لەڕێگەی ئەم بەستەرەوە https://telegram.org

دوای داگرتن و دروستکردنی هەژمارێک لەناو تێلەگرام بەم شێوەیەی خوارەوە و بەم هەنگاوانە دەتوانیت ڤیدیۆ دابگریت:

[box type=”warning” align=”aligncenter” class=”” width=””]تێبینی: من هەنگاوەکان لەسەر ئایفۆن ئەنجام دەدەم بەڵام بۆ ئەندرۆید و کۆمپیوتەریش وەکو یەکە و هیچ جیاوازیەکی نییە.[/box]

١- سەرەتا بڕۆ بۆ ئەم بەستەرە https://telegram.me/SaveVideoBot یان لەناو تیلەگرام بەدوای Save Video Bot بگەڕێ

٢- پاشان پەنجە بنێ بە Start

٣- دوای ئەوە ئەمەت بۆ دێت کە لەم وێنەی خوارەوە هاتووە:

٤- ئێستا لە بۆشایی نامە نوسین لینکی ئەم ڤیدیۆیە دابنێ کە دەتەوێت دایبگریت و پەنجە بە Send دابنێ و دوای ئەوە ئەمەی لەم دوو وێنەی خوارەوە دیارە بۆت دێت و دەڵێت چاوەڕێ بکە:

  ٥- پاشان ئەمەی خوارەوەت بۆ دێت پێک دێت لە وێنەیەک لە ڤیدیۆکە و ئاگادارکردنەوەت کە لە چەند چرکەیەکی تر ڤیدیۆکەت ئامادە دەبێت بۆ داگرتن:

٦- ئێستا لەخوارەوە بە فۆڕماتی MP4 ڤیدیۆکە ئامادەیە بۆ داگرتن و تۆش پەنجە بنێ بەو تیرەی ڕووی لەخوارەوەیە بۆ داگرتنی ڤیدیۆکە:

ئەمە دوا هەنگاو بوو و هیوادارین سود بەخش بێت.

ئەم تایبەتمەندییەی تێلەگرامت بەلاوە چۆنە؟ لە کۆمێنت لەخوارەوە سەرەنجی خۆت بنوسە.

 

سەرچاوەی وێنەکان Applewd