نوێترین زانیاری ده‌رباره‌ی به‌شه‌ نوێیه‌كه‌ی یاری Hitman

یاری ” Hitman ” یه‌كێكه‌ له‌یاریه‌ ئه‌كشن و سه‌ركێشیه‌كان دواین به‌شی له‌ساڵی ٢٠١٢ بڵاوكرایه‌وه‌ به‌ناوی Hitman : Absolution به‌ڵام
ئه‌مجاره‌ كۆمپانیای Square Enix بڕیاریدا به‌شێكی نوێ له‌م یاریه‌ به‌ناوی Hitman : World Of Assassin’s بڵاو بكاته‌وه‌ كه‌ شه‌شه‌مین به‌شه‌ له‌یاریه‌كانی Hitman كۆمپانیای IO Interactive كه‌ گه‌شه‌پێده‌ری یاریه‌كه‌یه‌ ڕایگه‌یاند كه‌وا ئه‌م به‌شه‌ی Hitman زۆر جیاوازتره‌ له‌ به‌شه‌كانی تری به‌وه‌ی كه‌ گرافیكێكی یه‌كجار به‌رز و به‌هێزی هه‌یه‌ وه‌ شێوازی یاریكردنیش گرنگی زۆری پیدراوه‌ ئه‌م یاریه‌ له‌ ڕێكه‌وتی ٢٠١٦/٣/١١ به‌ فه‌رمی بۆ هه‌ریه‌ك له‌ ئامێره‌كانی ” Playstation 4 , XboxOne PC ” بڵاو ده‌كرێته‌وه‌.

چیرۆكی یاریه‌كه‌ : له‌ یاریه‌كه‌دا تۆ رۆڵی كه‌سێك ده‌بینیت به‌ناوی Agent 47 واته‌ هه‌واڵگری 47 كه‌ بكوژێكی كارامه‌ی ڕاهێنراوه‌ ئه‌ركی ئه‌م بكوژه‌ كوشتنی ئه‌و كه‌سانه‌یه‌ كه‌ فه‌رمانی پێده‌كرێت بۆ ئه‌م  مه‌به‌سته‌ بۆ چه‌ندین شوێنی جیهان گه‌شت ده‌كات بۆ دۆزینه‌وه‌یان.
[youtube]https://www.youtube.com/watch?v=AkrUJJgQAaY[/youtube]

محمد قاسم

ئاڕاستەی نوسینەکانم زیاتر لەسەر یارییە ڤیدیۆییەکانە. هەمیشە هەوڵدەدەم دوایین هەواڵ و زانیاری لەسەر یارییە ڤیدیۆییەکان بۆ ئێوەی خۆشەویست لەڕێگەی ماڵپەڕی تۆڕی تەکنەلۆژیای زانیاری کوردییەوە بگوازمەوە.