بابەتی گرینگ 27, شوبات 2016

گشت زانیاریه‌ك له‌سه‌ر یاری  Minecraft : Story Mode

maxresdefault

یاری Minecraft : Story Mode یه‌كێكه‌ له‌ یاریه‌ سه‌ركێشیه‌كان گه‌شه‌پێدراوه‌ له‌لایه‌ن كۆمپانیای Telltale Games به‌ هاوكاری كۆمپانیای Mojang كه‌ دروستكه‌ری یاری به‌ناوبانگ  Minecraft ه‌ به‌ فه‌رمی له‌به‌رواری ٢٠١٥/١٠/١٥ یه‌كه‌مین زنجیره‌ی یاریه‌كه‌ بۆ هه‌ریه‌ك له‌ ئامێره‌كانی:

  • Xbox One
  • Xbox 360
  • PlayStation 4
  • PlayStation 3
  • PC
  • Andriod
  • ios
  • Wii U

 بڵاوكرایه‌وه‌.

شێوازی یاریكردن :-

 

 ئه‌م یاریه‌ بریتیه‌ له‌ ده‌ستلێدان و وه‌ڵامدانه‌وه‌ی پرسیاره‌كان وه‌ كۆكردنه‌وه‌ی كه‌لوپه‌ل له‌ناو یاریه‌كه‌ و شیته‌ڵكردنی مه‌ته‌ڵه‌كان و قسه‌كردنه له‌گه‌ڵ ئه‌و كه‌سانه‌ی كه‌ له‌ ده‌وروبه‌رتدا هه‌ن ئه‌مه‌ش بۆ بڕینی قۆناغه‌كانی یاریه‌كه‌ و تێگه‌یشتن له‌ چیرۆكی یاریه‌كه‌ وه‌ شایه‌نی باسه‌ یاریه‌كانی كۆمپانیای Telltale Games هه‌میشه‌ له‌ شێوه‌ی زنجیره‌ پێكهاتووه‌  ئه‌م یاریه‌ش له‌ پێنج زنجیره‌ پێك هاتووه‌ و ده‌بێت یه‌ك له‌ دوای یه‌ك ته‌واویان بكه‌یت یاریه‌كه‌ش پێویستی به‌ وه‌ڵام و بڕیاره‌كانی تۆیه‌ كه‌ به‌هه‌رشێوه‌یه‌ك وه‌ڵامه‌كان هه‌ڵده‌بژێری ئه‌وا كاریگه‌ری له‌سه‌ر چیرۆكی یاریه‌كه‌ ده‌بێت وه‌ سه‌باره‌ت به‌و كه‌سه‌ی كه‌ یاری پێده‌كه‌یت ده‌توانیت له‌ شه‌ش كه‌س به‌ ئاره‌زووی خۆت یه‌كێكیان هه‌ڵیبژێریت كه‌ كوڕ بێت یان كچ یاریه‌كه‌ش به‌ شێوه‌یه‌كی گشتی دراماتیكیه‌ و باس له‌ چه‌ندین ڕووداوی نه‌خوازراو و پڕ له‌ سه‌ركێشی ده‌كات هه‌ر پێنج زنجیره‌كه‌ بریتیه‌ له‌ :-

  1. The Order of the Stone
  2. Assembly Required
  3. The Last Place You Look
  4. A Block and a Hard Place
  5. Order Up

وه‌ له‌ ئێستادا هه‌ر چوار زنجیره‌كه‌ بڵاوكراوه‌ته‌وه‌ ته‌نها زنجیره‌ی  پێنجه‌م نه‌بێت كه‌ وا بڕیاره‌ له‌ به‌رواری ٢٠١٦/٣/١ بڵاوبكرێته‌وه‌.

چیرۆكی یاریه‌كه‌ :-

یاریه‌كه‌ به‌ شێوه‌یه‌كی سه‌ره‌كی باس له‌ كوڕێك ده‌كات به‌ناوی Jesse كه‌ له‌ گه‌ڵ هاوڕێكانی هه‌وڵی ئه‌وه‌ ده‌ده‌ن كه‌ جیهان ڕزگاربكه‌ن له‌ ده‌ستی دڕنده‌یه‌كی سێ سه‌ر به‌ ناوی Witherstorm . له‌ زنجیره‌ی یه‌كه‌م باس له‌پێنج كه‌سی ئازا ده‌كه‌ن به‌ ناوه‌كانی (Gabriel, Ellegaard, Magnus, Soren, and Ivor)، كه‌ دوای ئه‌وه‌ی له‌ گه‌شتێكدا ده‌توانن ئه‌ژدیهایه‌ك بكوژن و ناوبانگێكی زۆر په‌یدا بكه‌ن و ناویان لێنرا Order Of The Stone  به‌ڵام دوای ئه‌وه‌ به‌ هۆی كێشه‌یه‌كه‌وه‌ لێك جیاده‌بنه‌وه‌ بۆ ماوه‌ی چه‌ند ساڵێك دوای ئه‌و چه‌ند ساڵه‌ سێ هاوڕێ به‌ ناوه‌كانی Jesse  كه‌ كاره‌كته‌ری سه‌ره‌كیه‌ له‌ گه‌ڵ هه‌ردوو هاوڕێكه‌ی Alex و Oliva به‌شداری له‌ پێشبڕكێیه‌ك ده‌كه‌ن به‌ ناوی Mincon  وه‌ هه‌ركه‌سێك بتوانێت له‌و پێشبڕكێیه‌ سه‌ركه‌وتوو  بێت ئه‌وا هه‌لی ئه‌وه‌ی هه‌یه‌ كه‌ یه‌كێك له‌ ئه‌ندامانی  Order Of The Stone  كه‌ Gabrielـه‌ ببینێت به‌ڵام Jesse ناتوانێت سه‌ركه‌وتووبێت له‌و پێشبڕكێیه‌ وه‌ له‌ ئاهه‌نگێكدا كه‌ تایبه‌ته‌ به‌ براوه‌كان یه‌كێك له‌ ئه‌ندامه‌كان به‌ناوی Ivor  هه‌ڵده‌ستێت به‌ دروستكردنی دڕنده‌یه‌كی سێ سه‌ر كه‌ به‌ شێوه‌یه‌كی موگناتیسی هه‌مووشتێك بۆخۆی ڕاده‌كێشێت بۆیه‌ Gabriel داوا له‌ Jesse  ده‌كات كه‌ هه‌رچوار ئه‌ندامه‌كه‌ی تری OrderOf The Stone بدۆزێته‌وه‌و پێكه‌وه‌ كار بكه‌ن بۆ ڕزگاركردنی جیهان.

بۆچونی تۆ