كۆمه‌ڵێك لێكۆڵه‌ری سه‌ر به‌زانكۆی تێل ئه‌ڤیڤ له ئیسرائیل توانیان به سه‌ركه‌وتوویی کۆمپیوتەرێکی لاپتۆپ هاك بكه‌ن ته‌نها له ماوه‌ی سێ چركه‌دا له ڕێگه‌ی مۆبایلێكه‌وه كه له نزیك لاپتۆپەكه‌وه دانراوه له‌كاتێكدا لاپتۆپه‌كه په‌یوه‌ست نه‌بووه به هێڵی ئینتهرنێتهوه.تاقیكردنه‌وه‌كه له ڕێگه‌ی مۆبایلی جۆری سامسۆنگ S3 و کۆمپیوتەرێکی لاپتۆپی جۆری لینۆڤۆ ئه‌نجام دراوه. هاكه‌ره‌كان سوودیان له شه‌پۆلی كارۆموگناتیسی بینیوه، به جۆرێك له‌گه‌ڵ ئه‌وه‌ی لاپتۆپەكه په‌یوه‌ست نه‌بووه به هێڵی ئینتهرنێتهوه به‌ڵام كۆمه‌ڵێك شه‌پۆلی كارۆموگناتیسی لێوه ده‌رده‌چی كه ده‌توانرێت هه‌ڵبگیرێنه‌وه له لایه‌ن مۆبایله‌كه‌وه كه له نزیك ئه‌و لاپتۆپەوە دانراوه.لاپتۆپه‌كه له ژوورێكدا دانراوه و هاكه‌ره‌كان له ژوورێكی تره‌وه هێرشه‌كه‌یان ئه‌نجام داوه، واته له نێوان هاكه‌ره‌كان و لاپتۆپەكه ته‌نها دیوارێك هه‌بووه.وه بۆ ئه‌وه‌ی ئه‌م كاره ئه‌نجام بدرێت پێویسته هه‌ردووك مۆبایل و لاپتۆپەكه ڤایرۆسێكی تایبه‌تیان تیادا دابه‌زێنرێت، دواتر ته‌نها سێ چركه‌ی پێویسته بۆ ئه‌وه‌ی هاكه‌كه ئه‌نجام بدرێت.ئه‌م گرووپه‌ی كه ئه‌م تاقیكردنه‌وه‌یان ئه‌نجام داوه، ئه‌مه‌یان ڕاگه‌یاند كه مه‌به‌ست و ئامانجیان له‌م كاره به‌ره‌و پێش بردنی لایه‌نی ئاسایشی بووه، كه‌وا بكه‌ن كۆمپیوته‌ره‌كان نه‌توانرێت هاك بكرێن.
وێنەی یەکەم ئەو وێنەیە کە کۆمپیوتەرەکە بە بێ بوونی هێڵی ئینتەرنێت دانراوە
وێنەی دووەم ئەو وێنەیە کە لە رێگای ئەم کومپیوتەرەوە کارەکە ئەنجام دراوە
