وێنە و تایبەتمەندییەکانی HTC One M10 پێش ڕاگەیاندی فەرمی بڵاوکرانەوە.

دوای ئەوەی بەفەرمی لە دوو ڕۆژی ڕابردوو کۆمپانیای ئێچ تی سی ڕیکلامێکی ڤیدیۆیی بەناوی Powerof10 بڵاوکردەوە کە بوە جێی سەرەنجی میدیاکان و لێکدانەوەی زۆری بۆ کرا و زۆریان ئاماژە بەوە دەکەن کە ئێچ تی سی لە خۆ ئامادەکردنە بۆ ڕاگەیاندنی فەرمی نەوەی نوێی مۆبایلی زنجیرەی HTC One M.

جێگای ئاماژەیە و لەگەڵ بڵاوبوونەوەی ئەم ڕیکلامە هەژماری Evleaks وێنەیەکی HTC One M10 بڵاوکردووەتەوە و ئاماژەی بە تایبەتمەندییە سەرەکییەکانی نەوەی نوێی مۆبایلە نایابەکەی کۆمپانیای ئێچ تی سی تایوانی ناسراو بە HTC one M10 کردووە بەم شێوەیەی خوارەوە:

• قەبارەی شاشە: ٥.١٥ ئینچ بەڕوونی QHD
• پڕۆسێسەر: جۆری کوالکۆم سناپ دراگۆن ٨٢٠ ی چوار ناوکی
• بیرگەی ناوخۆیی: ٣٢ گێگابایت
• ڕامی: ٤ گێگابایت
• کامێرای پشتەوە: بە هەستەوەری کۆمپانیای سۆنی و توانستی ١٢ مێگاپێکسڵە.
• توانستی پاتریەکەی: بریتییە لە ٣٥٠٠ میلی ئەمێپیرە.
• سیستەم: ئەندرۆید مارشماڵۆو و بە ڕووکاری Sense 8
• بوونی هەستەوەری پەنجەمۆر
• دژە ئاو بە پلەبەندی IP68ـەوە
• بوونی دەرچەی جۆری USB C

سەرچاوە https://twitter.com/evleaks

سەردار عبدالله

تەکنەلۆژیا بەشێکە لە ژیانم و ساڵانێکە هەواڵ و زانیاری بە زمانی کوردی دەنوسم و لە چەندین ماڵپەڕ و گۆڤار بڵاوم کردوونەتەوە و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ٦ ساڵە. ئیتر گرافیک دیزاینەریشم لە ئاستێکی باشدا و لە پای ئەم ئیشانەشدا مامۆستای زانکۆم! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!