ئایا مۆبایلی Xperia X Performance چی نوێکاریەکی تێدا کراوە؟ ئایا جێگەی مۆبایلی Xperia Z5 دەگرێتەوە؟

هەر وەکو کۆمپانیای Sony ڕایگەیاند کە چیتر گەشە بە زنجیرەی Zی مۆبایل نادات و زنجیرەی X گەشە پێدەدات، ئەمەش خەڵکی تووشی شۆک کرد و کەوتنە پرسیارەوه، بەڵام لە کۆتاییدا کۆمپانیایەکی گەورەی وەبەرهێنان دەیەوێت باشترین کار بکات بۆ بەکارهێنەرانی بۆ نوێکاری مۆبایلەکە:

1. دیزاینێک و ڕووکارێکی جیاواز و نوێ و زۆر جوان کە پشتی بە تەواوی کانزایەکی ناوازەیە.
2. وە بە دوایین مۆدێلی پڕۆسێسەری کوالکۆم کاردەکات کە سناپدراگۆن 820 ـە، لە کاتێکدا Z5 پڕۆسێسەرەکەی 810 یە، کە 820 خێراییەکی باشتر دەدات بە مۆبایل و خاوبوونەوە و گەرم بوونی کەمترە، ئەمەش خاڵێکی گرنگە.
3. کامێرای X باشتر و ڕوونترە وەک لە Z5، وە سێنسەری واتە هەستەوەری نوێی تێدا بەکارهاتووە و خاڵی چەسپاندنی زیرەکی هەیە، کە پێشبینی دەکات بە جووڵەی بەرامبەر! بێجگە لەوەش کامێرای پێشەوەی 12 مێگاپێکسڵە بەڵام Xperia Z5 خاوەنی 5 مێگاپێکسڵە بۆ کامێرای پشتەوەی، وە X Performance لە تاریکی شەواندا ڕوونتر و ڕووناک تر گرتە دەکات وەک لە Z5 بەهۆی lighting ـەوه.
4. سەرەڕای ئەوەی کە X performance پاتریەکەی بەتوانای 2700 میلی ئەمپێرە، بەڵام sony بەڵێنی داوەتە بەکارهێنەر کە بەرگەی بەکارهێنانی 2 ڕۆژی تەواو دەکات لە کۆنگرەی بارسێلۆنا.

کەواتە لێرە پرسیارێک هەیە ئایا بیکڕم؟ ئەو خاڵانەی سەرەوە کە ئاماژەمان پێدا، وەکو دەبینین گرنگترین تایبەتمەندیەکانی مۆبایلەکەن و پاڵنەرێکی بەهێزن بۆ کڕینی مۆبایلی X performance ، وە پاش ئەوە دەکەوێتە سەر ئارەزووی بەکارهێنەر، بەڵام دەتوانین بڵێین باشترین هۆکارن و پاڵنەرێکی بەهێزن.

ئیتر دواجاریش بڕیار لەدەستی خۆتە  و خۆت بڕیاردەدەیت!

تێبینی: ناوەڕۆکی ئەم بابەتە گوزارشتە لە لێکدانەوەی نوسەر خۆی.

محمد کازم

گرنگی بە نوسینەکانی کەی ئای تی ئێن دەدەم. نوسەرانی ئەم تۆڕە دەیانەوێت کوردستانیش بێبەش نەبێت لە تام و چێژی خوێندنەوە بەڵکو کەی ئای تی ئێن ماڵپەڕێکی فێرکار بێت لە ڕووی نوسین و پەرەپێدانی توانای ڕۆژنامەوانی، بۆ کەسان و پێگەی تر.