بابەتی گرینگ
1, حوزهیران 2016
کۆمپانیای ئنتڵ یەکەم پرۆسێسەری لە جۆری ١٠ ناوەکی ڕاگەیاند
دوێنێ گەورە کۆمپانیای ئینتڵ لە میانەی بەشداری کردنی لە پێشانگای تەکنەلۆژی “ كمبيۆتكس تايپیە 2016, Computex Taipei 2016” کە لە شاری تایپیە کە پایتەختی وڵاتی تایوانە بەڕێوە دەچێت یەکەم پرۆسێسەری خۆی لە جۆری ١٠ ناوەکی ڕاگەیاند بۆ کۆمپیوتەری دێسکتۆپ، کە ئەم پڕۆسێسەرەش لە خێزانی ” برۆدوێڵ-ئایە , Broadwell-E ”.
کۆمپانیای ئینتڵ یەکێکە لەو کۆمپانیایانەی کە ئامانجێکی گەورەی گرتووە لە ئەلیکترۆنیاتی ئەمریکی بە پرۆسێسەری نوێی Core i7 Extreme Edition بۆ ئەوانەی ئارەزووی یاری ڤیدیۆیی و یاری ٣٦٠ پلە دەکەن، کە ناوەڕۆکەکەشی درووست کراوە بەو پێداهەڵدانەی کە دەڵێت: فرە ئەرکی زۆر قورس و گەورە، واتە پڕۆسێسەرەک بۆ ئەرکە قورسەکان.
کۆمپانیای ناوبراو ڕایگەیاند کە ئەم پرۆسێسەرە نوێیە بە تەکنەلۆژیای ١٤ نانۆمیتر بەرهەمهاتووە، کە ئەمەش هەمان ئەو پڕۆسێسەرانەیە کە لە ساڵی ڕابردوو ئاشکرای کردن بەڵام کۆمەڵێک چاککاری لە کار و خێرایی دا کراوە.
کۆمپانیای ئینتڵ ڕایگەیاند کە ئەم پڕۆسێسەرە نوێیە، بۆ ئەو ڤیدیۆییانەی کە بە ڕوونی 4K وەشێنراون، وە ئەو ڤیدیۆییانەی کە بە شێوەی ڤیدیۆیی ٣٦٠ پلە درووست کراون، کە ئەمەش بە ڕێژەی ٢٥% خێراترە بە نەوەی پێش خۆی لەو پڕۆسێسەرە.
وە هەروەها کۆمپانیای ئینتڵ ڕایگەیاند کە ئارەزوومەندانی یارییە ڤیدیۆییەکان لەگەڵ پرۆسێسەری خێزانی Broadwell-E دەتوانن یاری بە ڕوونی 4K ئەنجام بدەن، وە بڵاو کردنەوەی ڤیدیۆییەکان لە ڕێگەی خزمەتگوزاری Twitch بە ڕوونی 1080p، وە تۆمار کردنی یارییەکان و بەرزکردنەوەی بۆ ماڵپەڕی یوتوب، کە ئەمەش بە ڕێژەی ٢٥% خێراترە بە نەوەی پێش خۆی لە پڕۆسێسەری جۆری Haswell-E.
مەنسوڕ بڵباس
دەرچووی بهشی كارگێری كۆلیژی بهرێوهبردن و ئابوریم، و بهڕێوهبهری نووسینم له ماڵپهری تۆڕی تهكنهلۆژیای زانیاری كوردی، وهكو شارهزا له بواری خۆپاراستن و كۆمپیوتهر و ههردوو سیستهمی ویندۆز و ماك ئۆ ئێكس و مۆبایل به تایبهتهی ئامێرهكانی كۆمپانیای ئهپڵ و سیستهمی iOS و Android کاردەکەم و لەو بوارە دەنوسم. بهشێوهیهكی گشتی لهگهڵ تهكنهلۆژیای تازه تێكهڵم. ههوڵ دهدەم بهرگێكی تازه بهبهر شێوازی ڕاگهیاندنی تهكنهلۆژیادا بكەم لهكوردستان ودهمەوێت بیخەمە سهر ڕێڕهویی جیهان و لهگهڵ ئهوان ههنگاو بنێت.