ئەپڵ 13, حوزه‌یران 2016

ئەوەی چاوەڕوان دەکرێت لە کۆنگرەی گەشەپێدەرانی ئەپڵ WWDC 2016 ڕابگەیەنرێت

Applewwdc2016

کۆمپانیای ئەپڵ ئەمڕۆ ئێوارە کاتژمێر ٨:٠٠ بە کاتی هەولێر کۆنگرەی گەشەپێدەرانی ساڵانەی خۆی ناسراو بە ” WWDC2016 دەبەستێت لە شاری سان فڕانسیسکۆ لە ولایەتی کالیفۆڕنیای ئەمریکی لە ڕۆژانی ١٣ بۆ ١٧ـی ئەم مانگە واتە ٥ ڕۆژ بەردەوام دەبێت، وە نرخی هەر بلیتێکی کۆنگرەکە لە ڕێگەی سیستەمی تیروپشکەوە کراوە و نرخەکەشی گەیشتۆتە ١٦٠٠$ـی ئەمریکی.

ئەوەی لەم کۆنگرەیەدا چاوەروان دەکرێت کە ڕابگەیەنرێت نوێترین سیستەمی وەگەڕخەری مۆبایلە هۆشمەندەکانی کۆمپانیای ئەپڵە کە ناسراوە بە iOS و واش چاوەڕوان دەکریت وەشانی iOS10 بە فەرمی ڕابگەیەنرێت بە شێوەیەکی تاقی کاری، لەگەڵ نوێترین سیستەمی وەگەڕخەری کۆمپیوتەرەکانی کۆمپانیای ئەپڵ ناسراو بە ماک OS X، وە لەگەڵ ئاشکرا کردنی نوێترین سیستەمی وەگەڕخەری watchOS و tvOS.

بە شێوەیەکی گشتی:

کۆمپانیای ئەپڵ گشت ساڵێک لەم کاتانە کۆنگرەی ساڵانەی گەشەپێدەرانی دەبەستێت لە سەنتەری ” Moscone West ” تایبەت بە کۆنگرەکان لە سان فرانسیسکۆ لە ولایەتی کالیفۆڕنیا، کە تێیدا بە هەزاران گەشەپێدەر لە تەواوی جیهان لە ماوەی ئەم ٥ ڕۆژە بەشداری ئەم کۆنگرەیە دەکەن و دەرفەتیان پێ دەدرێت کە چاوپێکەوتن لەگەڵ ئەندازیارانی تایبەتی کۆمپانیای ئەپڵ بکەن بۆ ئەوەی هەلی کار بەدەست بهێنن و ئامادەی دانیشتنی تایبەت بە بەرنامەکان ببن.

لە ڕۆژی یەکەم کۆمپانیای ئەپڵ دانیشتنێکی تایبەت دەکات بە کردنەوەی کۆنگرە، و تێیدا کۆمپانیای بانگەشە گشتییەکان دەخاتە ڕوو، وە تیشک دەخرێتە سەر کار و چالاکییەکانی ڕابردوو بە شێوەیەکی گشتی و ئامار و داتای تایبەت بە بەرهەم و سیستەمە وەگەڕخەکانی دەخاتەڕوو.

Capture

وەک پێشتر گووتمان وا چاوەڕوان دەکرێت کۆمپانیای ئەپڵ لەم کۆنگرەیەدا بە فەرمی هەردوو سیستەمی وەگەرخەری iOS و OS X ئاشکرا بکات و کە ئەوانش سیستەمی وەگەڕخەری iOS 10 و OS X 10.12 دەبن، لەگەڵ ئاشکرا کردنی نوێترین سیستەمی وەگەڕخەری کاتژمێرە هۆشمەندەکان و ئەپڵ تی ڤی watchOS و tvOS.

جگە لە سیستەمە وەگەڕخەرەکان وا چاوەڕوان دەکرێت وەشانێکی نوێ لە کۆمپیوتەرەکانی کۆمپانیای ئەپڵ نمایش بکرێت کە تێدا چەندین چاککاری لە ڕووی شێوە و تایبەتمەندی کراوە وەک کۆمپیوتەرەکانی  MacBook Pro Retina  و Mac mini و Mac Pro.

بە کورتی ئەوانەی چاوەڕوان دەکرێت ڕابگەیەنرێت:

١. سیستەمی وەگەڕخەری مۆبایلە هۆشمەندەکان iOS 10:

٢. سیستەمی وەگەڕخەری تایبەت بە کۆمپیوتەرەکانی ئەپڵ OS X 10.12.

٣. سیستەمی وەگەڕخەری کاتژمێرە هۆشمەندەکان و ئەپڵ تی ڤی watchOS و tvOS.

٤. نەوەیەکی نوێ لە کۆمپیوتەرەکانی ماکینتۆش ناسراو بە ماک.

…………………………………….

لە بیرتان نەچێت بە سپۆنسەری کۆمپانیای تیشک نێت ئەمشەو ڕووماڵی تایبەتی کۆنگرەکەمان دەکەین لە ڕێگەی هەژمارە تایبەتییەکانمان لە تۆڕە کۆمەڵایەتییەکان، وە لە ڕێگەی ئەم لینکەی خوارەوە بێ ئەوەی ریفڕیشی لاپەڕەکە بکەیت دواین گۆڕانکارییەکانی بە زمانی شیرینی کوردی دەگوازینەوە:

http://kitn.net/babat/14173

 

 

بۆچونی تۆ