هەواڵ 28, نیسان 2012

كۆمپانیای BenQ كامێرایه‌كی ژماره‌یی زووم به‌رزی ئاشكراكرد.

كۆمپانیای بێنك په‌رده‌ی له‌سه‌ر یه‌كێكی تر له‌ به‌رهه‌مه‌كان لادا كه‌ كامێرایه‌كه‌ به‌ مۆدێلی GH200 كه‌ له‌ تازه‌ترین جۆری كامێرای زووم به‌رزه‌ له‌ ڕۆژهه‌ڵاتی ناوه‌ڕاست. ئه‌م كامێرایه‌ به‌تایبه‌تمه‌ندی MagiQ و به‌ فلته‌ری ڕه‌نگی تازه‌ كه‌ له‌لایه‌ن خۆیه‌وه‌ كۆمپانیای بێنگ گه‌شه‌یان پێده‌دات. ئه‌م تایبه‌تمه‌ندییه‌ی كه‌ به‌MagiQ ناسراوه‌ ڕێگه‌ به‌به‌كاربه‌ران ده‌دات كه‌ Brightness و Contrastی سه‌ر وێنه‌كان جوان بكات و له‌گه‌ڵ كاریگه‌ری HDR بۆ ده‌رهێنانی جوانترین وێنه‌ له‌ناو چه‌ند وێنه‌یه‌كی گیراو.

توانای ڕوونی ئه‌و كامێرایه‌ 14 مێگا پێكسڵه‌ و توانای نزیككردنه‌وه‌ی 12.5X له‌گه‌ڵ ته‌كنه‌لۆژیای دژه‌له‌رزی OIS له‌ به‌ر خاتری گرته‌ی جوانتر و ڕوونتر. ئه‌م كامێرایه‌ وه‌كو ته‌واوی تری كامێراكانی تر هه‌ڵبژاردنی زۆری تێدایه‌ له‌وانه‌ نه‌هێشتنی فلاش و ده‌نگ له‌كاتی وێنه‌گرتندا.

هه‌روه‌ها تایبه‌تمه‌‌ندییه‌كی تری هه‌یه‌ كه‌ كه‌مێك جیاوازه‌ ئه‌ویش تایبه‌تمه‌ندی Auto Tracking AF كه‌ كه‌لوپه‌لی جوڵاو دیاری ده‌كات و زیاتر ته‌ركیزیان له‌سه‌ر ده‌كات و وێنه‌كه‌ ڕوونتر ده‌رده‌چێت.  كامێراكه‌ به‌ ڕه‌گی سور و  ڕه‌ش له‌ بازاره‌كانی ئیمارات و وڵاتانی تری ڕۆژهه‌ڵاتی ناوه‌ڕاست ده‌ست ده‌كه‌وێت.

سه‌رچاوه‌ Ait

بۆچونی تۆ