گوگڵ خولێک بۆ فێربوونى داڕشتنى ئەپڵیکەیشن بۆ ئەندرۆید دەکاتەوە

کۆمپانیاى گوگڵى ئەمریکى، خولێک بۆ خوازیارانى داڕشتنى ئەپڵیکەیشن بۆ سیستەمى وەگەڕخەرى ئەندرۆید دەکاتەوە.

گوگڵ بە هاوبەشی لەگەڵ رێکخراوى (Udacity) بۆ فێربوون لە ڕێگەى ئینتەرنێتەوە، خولێک بۆ فێربوونى داڕشتنى ئەپڵیکەیشن بۆ سیستەمى ئەندرۆید بە ناوى (Android Basics Nanodegree) دەکاتەوە، خولەکەش ئامانجى فێربوونى گشت ئاستەکانە واتە هەر لەو کەسانەى کەوا هیچ زانیاریێکیان دەربارەى داڕشتنى ئەپ نییە تا ئەوانەیش کە کەمێکى دەربارەى دەزانن.

لە ئامانجەکانى ترى خولەکە بریتییە لەوەى کەوا چۆن گەشە بە بیرۆکەى دروستکردنى ئەپێک دەدەیت تا بیکەیت بە ئەپێکى کردارى گرنگ و نایاب لە ڕێگەى زمانى جاڤایەوە و لەلایەکى تریش ناساندنى فێرخواز بە APIs لە ئینتەرنێتدا بەهۆى بنکەدراو(داتابەیس)ى SQLite.

خولەکە چەندان تایبەتمەندى ترى هەیە و هاوکات نرخى بەژدارى مانگانەى خولەکە ٢٠٠ دۆلارە، گوگڵ پەیمانیشى داوە کە ٥٠ فێرخوازى سەرەتا کە خولەکە تەواو دەکەن، ناونووسیان بکات لە خولێکى پێشکەوتووترى Nanodegreeی داڕشتنى ئەپەکانى ئەندرۆید.

لێرەوە زانیارى زیاتر چنگ بخە.

سەرچاوە: yahoo , aitnews

دیاری شێرزاد

"خوێندکارى بەکالۆریۆسى زمان و ئەدەبى (ئینگلیزى)م لە ز.سەڵاحەددین، هاوکات بەڕیوەبەرى نووسین و نوسەرم لە کەى ئاى تى ئێن؛ به‌ شێوه‌یەكی گشتگیر له‌گه‌ڵ ته‌كنه‌لۆژیای تازه‌ تێكه‌ڵم، به‌ تایبه‌تیش له‌ سیسته‌مى وەگەڕخەرى مۆبایلە هۆشمەندەکان (ئەندرۆید). لەهەوڵدام بۆ ئەوەى هه‌موو تاكێكی كورد سوودمه‌ندبن له‌ ته‌كنه‌لۆژیا و شتێكی ئه‌وتۆ ده‌رباره‌ی ته‌كنه‌لۆژیا فێرببن و لەگەڵ پێشکەوتنەکانیدا بڕۆن، هاوکات هەواڵ و بابەتە گەرمەکانى ڕۆژانەى تەکنەلۆژیا بەزمانێکى پاراو و پەتى کوردى بخوێننەوە".