کۆمپانیایەکى چینى کۆپی Galaxy S7ى دروستکرد بە کەمتر لە ١٠٠ دۆلار!

ئەمە شتێکى نوێ نییە کەوا هەندێک کۆمپانیاى چینی بەردەوام هەوڵی کۆپیکردنى مۆبایلە بەناوبانگەکانى کۆمپانیا مەزنەکانى جیهان دەدەن، بەڵام هەندێکیان تەواو سەرساممان دەکەن بەوەى کە بەتەواوى کۆپیەکى ناوازەى مۆبایلەکە دەکەن وەک ئەوەى کۆمپانیاى (Elephone) کردوویەتى.

کۆمپانیا چینیەکە دوێنێ مۆبایلەکەى بەناوى (Elephone S7) ڕاگەیاند کەوا کت و مت لە دیزایندا بە (Galaxy S7 Edge) دەچێت بە تێچوێکى کەمتریش!

مۆبایلەکە دوو جۆرە و هەردوو جۆرەکەش بە هەمان شووشە لە پێشەوە و دواوە پارێزراون و بە پرۆسێسەری MediaTek Helio X25 کاردەکەن و تا ئێستاش کۆمپانیاکە هیچی ترى لەسەر تایبەتمەندییەکانى تر نەدرکاندووە، هاوکات نرخى یەکەمیان 189.99 دۆلارە و نرخى دووەم جۆریش 99.99 دۆلارە.

بێگومانیش  هەرچەندە لە دەرەوە شێوەیان یەک بێت بەڵام ناتوانین هەردوو مۆبایلەکە لە ڕووى ناوەوە(ڕەقە کاڵا) بەراورد بکەین.

س: Ardroid

دیاری شێرزاد

"خوێندکارى بەکالۆریۆسى زمان و ئەدەبى (ئینگلیزى)م لە ز.سەڵاحەددین، هاوکات بەڕیوەبەرى نووسین و نوسەرم لە کەى ئاى تى ئێن؛ به‌ شێوه‌یەكی گشتگیر له‌گه‌ڵ ته‌كنه‌لۆژیای تازه‌ تێكه‌ڵم، به‌ تایبه‌تیش له‌ سیسته‌مى وەگەڕخەرى مۆبایلە هۆشمەندەکان (ئەندرۆید). لەهەوڵدام بۆ ئەوەى هه‌موو تاكێكی كورد سوودمه‌ندبن له‌ ته‌كنه‌لۆژیا و شتێكی ئه‌وتۆ ده‌رباره‌ی ته‌كنه‌لۆژیا فێرببن و لەگەڵ پێشکەوتنەکانیدا بڕۆن، هاوکات هەواڵ و بابەتە گەرمەکانى ڕۆژانەى تەکنەلۆژیا بەزمانێکى پاراو و پەتى کوردى بخوێننەوە".