ئەنجامدانی پڕۆژەیەکی تر لەلایەن تۆڕی تەکنەلۆژیای زانیاری کوردی بە ناوی “فەرهەنگی کوردستان”

دوای ئەنجامدانی پڕۆژەیەکی گرنگ بۆ خزمەتکردنی بەکارهێنەر و خوێنەری کورد و دروستکردنی کیبۆردێکی کوردی ڕێک و پێک و ناوازە، ئەمجارەشیان تۆڕەکە هەڵسا بە ئەنجامدانی پڕۆژەیەکی تر بە ناوی “فەرهەنگی کوردستان”. فەرهەنگی کوردستان یەکێکە لەو فەرهەنگە نايابانەی کە کاری وەرگێڕانی (کوردی-ئینگلیزی)(ئینگلیزی-کوردی) دەکات بۆ بەکارهێنەر و نزیکەی ٦٠ هەزار وشە لەخۆ دەگرێت.

تایبەتمەندییەکانی ئەم فەرهەنگە:

• %١٠٠ بەخۆڕاییە.
• خۆت دەتوانی وشەی بۆ زیادبکەی، هەروەها دەتوانی مانای وشەکان زیاد و کەم و گۆرانکاریان تێدا بکەیت و لەبەرگیراوەیەکیشی بۆ ئێمە دێت.
• ئەو وشانەی بۆ ئێمە دێن، دوای پێداچوونەوە، ئێمە دووبارە بۆ بەکارهێنەرانی دەنێرینەوە و ناوی تۆشی لەگەڵ بڵاودەکەینەوە.
• شێوازی خوێندنەوەی وشەکانی تێدایە بە رێنوسی کوردی و ئینگلیزی وە بە دەنگیش.
• بۆ زۆربەی وشەکان، نمونە لە رستەدا نیشاندراوە.
• کاتێک وشەیەک دەدۆزیەوە هاو واتاکانیشی دەتوانیت ببینی.
• دەتوانیت ئەو وشانەی بە دڵتن بیخەیتە لیستی دڵخوازەکان.
• گەر شارەزاییەکی باشت لە ئینگلیزیدا هەبێت دەتوانی داوای زانیاری ئەدمین بکەیت بۆ ئەوەی راستەوخۆ بۆ هەموو بەکارهێنەران وشە زیاد و کەم بکەیت.
• کاتێک کە دەستدەکەی بە نوسین، ئەگەر وشەی ئینگلیزی بنوسی ئەوا مانای کوردیەکەت پێدەدات، وە ئەگەر کوردیش بنوسی ئینگلیزت پێدەدات، بەمەش فەرهەنگێکی دوو زمانە گۆڕکێیە.

لاپەڕەکانی ئەم فەرهەنگە:

• گەڕان لە وشەکان بە کوردی یان ئینگلیزی
• زیادکردن و گۆڕانکاری لە وشەکاندا
• بەشی وشە دڵخوازەکان
• یارمەتی و پەیوەندی

پەرەپێدەر و دیزاینەری ئەم فەرهەنگە ڕێباز ئەحمەد و یەکێکە لە دامەزنێنەرانی تۆڕی تەکنەلۆژیای زانیاری کوردی، فەرهەنگەکەی ناوناوە “کوردستان” ئەمەش لە خۆشەویستی کوردستان و خزمەتکردنی گەلی کورد لە سەرتاسەری جیهان. شایەنی باسە ئەم فەرهەنگە لە ئێستادا لە کۆگای گوگڵ پلەی بەردەستە و بەکارهێنەرانی سیستمی وەگەڕخەری ئەندرۆید دەتوانن سوود لە فەرهەنگەکە وەربگرن و کاری پێ بکەن، بۆ دابەزاندنی فەرهەنگەکە کرتە لەم وێنەیەی خوارەوە بکە:

[appbox googleplay kurdistand.ribaz.com]

• چەند وێنەیەکی فەرهەنگەکە:

رێباز ئەحمەد