سامسۆنگ کاتژمێری Gear S3 لە شانشینە یەکگرتووەکانی بەریتانیا بەردەست دەکات.

کاتژمێرە نوێیەکەی سامسۆنگ لە شانشینە یەکگرتووەکان بە هەردوو جۆرەکەیەوه (Frontier – Classic) بەردەست دەبێت لە هەفتەی داهاتوودا.

سامسۆنگ فرۆشتنی کاتژمێرە نوێیەکەی لە کۆریای باشوور دەست پێکردووە و لە ۱٨ـی ئەم مانگەشدا یەکەم دەرکەوتەی فرۆشتنی دەبێت لە شانشینە یەکگرتووەکان و هەردوو جۆری کاتژمێرەکە دەگرێتەوە.

هەر لە هەمان ڕۆژدا بەردەست بوونی کاتژمێرەکە چەند وڵاتێکی تر دەگرێتەوە، لەوانە: ولایەتە یەکگرتووەکان، فەڕەنسا، ئوستوراڵیا، دووبەی،  ئەڵمانیا و سەنگافورە.

هیچ وتەیەک دەربارەی نرخ نەوتراوە، بەڵام لەگەڵ هاتنی کاتژمێرەکە زیاتر دەزانین دەربارەی نرخی ئامێرەکە.

دەربارەی تایبەتمەندی کاتژمێرەکان، ئەم کاتژمێرە شێوەیەکی گەورەتری هەیە لە چاو کاتژمێری Gear S2 و  جۆری ڕوونماکەی لە جۆری Super AMOLED ـە بە ڕوونی ٣٦٠ بە ٣٦٠ پیکسڵ، وە بەسیستەمی تایزن کاردەکات هەروەکو ئامێرەکانی پێشتر.

پڕۆسێسەرێکی دوو ناوەکی بە خێرایی ۱ گێگاهێرتز و پاتریەکەی بە توانستی ۳٨۰ میلی ئەمپێرە.

محمد کازم

گرنگی بە نوسینەکانی کەی ئای تی ئێن دەدەم. نوسەرانی ئەم تۆڕە دەیانەوێت کوردستانیش بێبەش نەبێت لە تام و چێژی خوێندنەوە بەڵکو کەی ئای تی ئێن ماڵپەڕێکی فێرکار بێت لە ڕووی نوسین و پەرەپێدانی توانای ڕۆژنامەوانی، بۆ کەسان و پێگەی تر.