نەرمەکاڵای تاقیکردنەوەی خێرایی ئینتەرنێت لەلایەن Ookla بۆ ویندۆز و ماک وەشێندرا

ئاشکرایە دەمێکە خزمەتگوزاری ناوبراو بۆ هەردوو سیستەمی ئەندرۆید و ئای ئۆ ئێس بە شێوەی ئەپڵیکەیشن بەردەستە و خەڵێکی زۆر سوودیان لێ وەرگرتووە بۆ تاقیکردنەوەی خێرایی ئینتەرنێتەکانیان لەسەر مۆبایلەکانیان بەڵام بەداخەوە بۆ سیستەمی ماک و ویندۆز هەمیشە دەبواییە لەڕێگەی وێبگەڕەوە ئەم کارە ئەنجام بدەین بەڵام خۆشبەختانە ئەمڕۆ کۆمپانیای Ookla بەفەرمی نەرمەکاڵای تایبەتی بۆ سیستەمی ویندۆز ١٠ و ماک بۆ هەمان مەبەست وەشاند.

لەڕاستیدا بوونی نەرمەکاڵا و ئەپی لەم شێوەیە بۆ بەکارهێنەران پێویستە چونکە بەکارهێنەران دڵنیادەبنەوە لە خێرایی ئینتەرنێتەکانیان و بە شێوەیەکی دروست خێرایی بەرزکردنەوە و داگرتنی ئینتەرنێتەکانیان دەزانن و بەمەش کۆمپانیاکانی ئینتەرنێت ناتوانن ئەوا بە ئاسانی فێڵ لە بەکارهێنەرانیان بکەن. ئێوەش بفەرموون لەخوارەوە بۆ سیستەمی خوازراو نەرمەکاڵاکە دابگرن.

کلیک بکە بۆ داگرتنی نەرمەکاڵای SpeedTest بۆ ویندۆز ١٠ لە کۆگای ویندۆز

کلیک بکە بۆ داگرتنی نەرمەکاڵای SpeedTest بۆ ماک لە کۆگای ماک

سەردار عبدالله

تەکنەلۆژیا بەشێکە لە ژیانم و ساڵانێکە هەواڵ و زانیاری بە زمانی کوردی دەنوسم و لە چەندین ماڵپەڕ و گۆڤار بڵاوم کردوونەتەوە و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە ٦ ساڵە. ئیتر گرافیک دیزاینەریشم لە ئاستێکی باشدا و لە پای ئەم ئیشانەشدا مامۆستای زانکۆم! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!