مۆبایلێكی نوێی سۆنی ئێریكسۆن

كۆمپانیای (سۆنی ئێریكسۆن) بۆ په‌یوه‌ندییه‌كان مۆبایلێكی نوێی ئاشكراكرد كه‌ ڕێگه‌ به‌ به‌كارهێنه‌ران ده‌دات نامه‌ی (چات) له‌ماوه‌یه‌كی پێوانه‌ییدا ئاڵوگۆڕ بكه‌ن.به‌پێی سه‌رچاوه‌كان، مۆبایله‌كه‌ ناوی (txt TM)ه‌و كیبۆردی (Qwerty) له‌گه‌ڵدایه‌ كه‌ به‌كارهێنانی زۆر ئاسانه‌ و شاشه‌كه‌ی (2.6) ئینچه‌. دووگمه‌یه‌كی تایبه‌ت به‌ كورته‌نامه‌شی له‌گه‌ڵدایه‌.

مۆبایله‌ نوێیه‌كه‌ ئه‌پلیكه‌یشنێكی به‌ناوی (friends)ی له‌گه‌ڵدایه‌ كه‌ له‌ ڕێیه‌وه‌ به‌كارهێنه‌ران ده‌توانن به‌رده‌وام له‌ په‌یوه‌ندیدا بن له‌گه‌ڵ تۆڕه‌ كۆمه‌ڵایه‌تییه‌كانی وه‌ك (فه‌یسبووك) و (تویته‌ر). چه‌ند تایبه‌تمه‌ندییه‌كی تریشی له‌گه‌ڵدایه‌ وه‌ك په‌یوه‌ندی وایه‌رلێس به‌ خزمه‌تگوزاری ئینته‌رنێت و كامێرایه‌كی (3.2) مێگاپێكسڵ و میمۆرییه‌كی (64) مێگابایت. جێی ئاماژه‌یه‌ كۆمپانیای (سۆنی ئێریكسۆن) كه‌ ساڵی 2001 به‌هاوبه‌شی نێوان كۆمپانیای (سۆنی) ژاپۆنی و كۆمپانیای (ئێریكسۆن)ی سویدی له‌ شاری (له‌نده‌ن) دامه‌زرا به‌مدواییه‌ ڕایگه‌یاند كه‌ به‌نیازه‌ ژماره‌یه‌ك سمارتفۆنی نوێ بخاته‌ڕوو. دوایین به‌رهه‌می ئه‌و كۆمپانیایه‌ش سمارتفۆنی (Xperia ) بوو كه‌ به‌ سیستمی (ئه‌ندرۆید) كارده‌كات.

سەرجاوە: خەندان