فەرهەنگی ڕێبینی ٥ زمانی بە ١٥ هەزار وشەی نوێ و تایبەتمەندی گەڕان لەڕێگەی کامێڕاوە نوێکرایەوە

بێگومان لەماوەی ڕابردوودا چەندان فەرهەنگی ئەلیکترۆنی بۆ کۆمپیوتەر و مۆبایل بڵاوکراونەتەوە و تا ئێستاش گەشەپێدەران بەردەوامن لە گەشەپێدانیان. فەرهەنگی ڕێبینیش یەکێک بووە لەو فەرهەنگە سەرکەوتووانەی کە تا ئێستا گەشەپێدەرەکەی بەردەوامە لە گەشەپێدانی و ئەمڕۆ لە دوایین نوێکردنەوەی چەند نوێکردنەوەیەکی نایابی بۆ فەرهەنگەکەی کردووە.

ئەو نوێکردنەوانەش لە زیادکردنی وشەی نوێ و تایبەتمەندی نوێ لە فەرهەنگەکەدا خۆیان دەبیینەوە. ئەمانەی خوارەوە پوختەی نوێکارییەکانن:

• تایبەتمەندی کامێرا کە بەهۆیەوە بە خستنەسەری کامێرا لەسەر هەر وشەیەکی ئینگلیزی واتایەکەت پێدەدات و بەشێوەیەکی جوان و قەشەنگ دیزایین کراوە. بۆ کردنەوەی ئەم بەشە لەسەرەوەی ئەپەکە وێنۆچکەی کامێرا هەیە و بیکەوە شێوەیەکی وەکو ئەمەی خوارەوەت دێتە بەرچاو:

• بەشی وشەی ڕۆژ واتە Word of the day بۆ زیادکراوە و بەهۆیەوە هەموو ڕۆژێک دەتوانی وشەیەک فێرببیت.
• زیادکردنی ١٥ هەزار وشەی نوێ بۆ فەرهەنگەکە.
• چارەسەرکردنی چەند کێشەیەک.

تێبینی: ئەم نوێکردنەوەیە تەنها بۆ سیستەمی ئای ئۆ ئێس بەردەستە.

ئێوەش دەتوانن پەنجە بنێین بەم بەستەرە بۆ داگرتنی ئەم فەرهەنگە نایابە.

سەردار عبدالله

مامۆستای زانکۆ و هەڵگری ماستەر لە فێرکردنی زمانی ئینگلیزی و تەکنەلۆژیا. ساڵانێکە هەواڵ و زانیاری بە زمانی کوردی دەنوسم و ئێستاش لێرە هەم نوسەر و هەمیش بەڕێوەبەری گشتیم بۆ ماوەی زیاتر لە 8 ساڵە. هەروەک گرافیک دیزاینەریش خەونی منە! کرتە لە وێنۆچکەی تۆڕە کۆمەڵایەتییەکانم بکەن بۆ ئەوەی زیاتر بمناسن!