ئەندی ڕۆبن بەفەرمی مۆبایلی Essential PH-1 ـی ڕاگەیاند بە تایبەتمەندی بەرزەوە.

ئەندی ڕۆبن دامەزرێنەری سیستەمی ئەندرۆید کە لە ساڵی 2005 سیستەمی ئەندرۆیدی فرۆشت بە کۆمپانیای گوگڵ و هاوکات لەگەڵ کۆمپانیای ناوبراو کاری دەکرد تاوەکوو ئەم ساڵانەی دوایی، پاشان بیری لەوە کردەوە کۆمپانیایەکی نوێی مۆبایل دابمەزرێنێت و ئەمڕۆ بەفەڕمی مۆبایلەکەی ڕاگەیاند کە ناوی Essential PH-1 ـە کە مۆبایلەکە لەسەر دیزاینێکی مۆدێرن و ناوازە درووست کراوە، و خاوەنی کامێرایەکی 360 پلەییە بۆ وێنە و ڤیدیۆ تۆمارکردن کە دەتوانیت هەرکات پێویستت پێی بوو بەکاری بهێنیت و لێی بکەیتەوە لە ڕێی دوو شوێنی بچووکی موگناتیسییەوە کە کامێراکە هەڵدەگرێـت بەشێوەیەکی ڕێک و پێک و جێگیر، ئەوەی جێی سەرنجە مۆبایلەکە بەشی پێشەوەی هەمووی ڕونمایە و بە Gorilla Glass 5 ڕووپۆش کراوە.

تایبەتمەندیەکانی مۆبایلەکە:

• وردی و قەبارەی ڕونما:2560 بە 1312 QHD بە  قەبارەی  5.71 ئینج.
• پڕۆسێسەر(چارەسەرکەر):سناپدراگۆن 835 ی کۆمپانیای کواڵکۆم، چارەسەرکەری گیرافیکی Adreno 540.
• ڕام: 4 گێگابایت.
• بیرگە:128 گێگابایت.
• کامێراکانی:کامێرای 13 مێگاپێکسڵە و کامێرای پێشەوەش 8 مێگاپێکسڵە، هاوکات کامێرای پشتەوەی پشتگیری تۆمارکردنی ڤیدیۆی 4K دەکات و لەگەڵیدا پشتگیری فۆکەسی وێنەکان دەکەن.
• خاوەن هەستەوەری پەنجە مۆرە بۆ ناسینەوەی خاوەن.
• خاوەنی چوار مایکرۆفۆنە کە یارمەتی دەدات دەنگەکان بەشێوازێکی ساف دەربکات.
• بلوتوثی نەوەی پێنجەمی تێدا بەکارهێنراوە.
• چوارچێوەی مۆبایلەکە بە تیتانیۆم دەوردراوە، و پشتەوەی لە مادەسیرامیک درووستکراوە
• ڕڕونماکەی بە Gorilla Glass 5
• پشتگیری دەرچەی: USB Type-C
• کێش و تەنکی: 185 گرام و تەنکی 7.8 ملم.
• ڕەنگەکانی: ڕەشی مانگی، و سپی پاک،خۆڵەمێشی ئەستێرەیی، ڕەنگی ڕووباری.
• مۆبایلەکە لەسەر سیستەمی ئەندرۆید و وەشانی نوگەت کار دەکات.
• نرخی: 699$

سەلمان خالید

نوسەر و بەڕێوەبەری تۆڕەکۆمەڵایەتییەکانم لە کەی ئای تی ئێن، لە بواری تەکنیکی پێگەکان و بەڕێوەبردنی پەیج و هەژمارەکانی دیکەدا کاردەکەم، خوێندكاری قۆناغی چوارەمی زانستی كۆمپیوتەرم. پەیداکردنی ئەزموونی زیاتر لە بواری سۆشیاڵ میدیادا خولیای منە و لەم پێگەیەوە دەمانەوێت ئێوە ئاشنا بکەین بە جیهانە جوانەکەی تەکنەلۆژیا. کرتە لە ناونیشانی تۆڕەکۆمەڵایەتییەکانم بکەن لە وێنۆچکەکانی دەستە چەپدا.