باشترین ئەپە نوێیەکانی ئەندرۆید

سیستەمی ئەندرۆید بەردەوامە لە گەشە و لە ماوەی ڕابردوودا کۆمەڵێک ئەپی نایاب و نوێ بۆ کۆگاکەی زیادکراون، بینەری باشترینیانبن.

١-Firefox Focus

ئەم وێبگەڕە نوێیە لە لایەن کۆمپانیای مۆزێللا دروست کراوە و گرنگییەکی زۆر بە پارێزراوی و توانای سڕینەوەی وشە تێپەڕەکان دەدات.

داگرتن

٢- Child lock launcher

ئەم ئەپە زۆر بەسوودە بۆ ئەو کەسانەی مۆبایلەکانیان دەدەن بە منداڵەکانیان و لە ڕێگایەوە دەتوانن کۆنترۆڵی مۆبایلەکە بکەن و دیاری بکەن منداڵەکەیان دەتوانێت کام ئەپانە بەکاربهێنێت و تا چ کاتێک دەتوانێت بەکاریان بهێنێت، هەروەها بەکاردێت بۆ ڕێگرتن لەوەی منداڵەکان مۆبایلەکان بخەنە دۆخی بێدەنگییەوە(silent mode) و زۆر شتی تریش کە گرنگن بۆ دایکان و باوکان.

داگرتن

 

 

٣-Triangle

ئەپێکی نوێی گووگڵە بۆ پاراستنی دراوە(data)ی ئینتەرنێتەکەت لە ڕێگای سنوردارکردنی بەکارهێنانی دراوە لە لایەن ئەپەکان بە خواستی خۆت.

داگرتن

 

 

٤-Grasshopper

ئەپێکە بۆ ئەو کەسانەی خوازیارن سەرەتاکانی کۆد کردن و پڕۆگرامسازی فێرببن و بە وتەی گەشەپیدەرانی ئەپەکە بەکارهێنەر دەتوانێت بە تەرخانکردنی تەنها ٥ خولەک لە ڕۆژێکدا سوود لە ئەپەکە وەربگرێت.

 

داگرتن

 

 

٥-Shortcutter quick settings

لە ڕێگای ئەم ئەپەوە دەتوانیت بە خواستی خۆت لە ٤٢ کورتکراوەی بەسوود هەڵبژێریت و زیادیان بکەیت بۆ شریتی کورتکراوەکانی مۆبایلەکەت و سوودیان لێ وەربگریت، تەنها بۆ ئەو ئامێرانەیە کە لەسەر وەشانی نوگەت کار دەکەن.

داگرتن

 

 

٦-English grammar basics

ئەپێکی سادە و بەسوودە بۆ فێربوونی ڕێزمانی ئینگلیزی.

داگرتن