10
ئای ئۆ ئێس 9, ته‌مموز 2017 بۆچوون

باشترین یارییە نوێیەکانی ئەندرۆید و ئای ئۆ ئێس

 

گەشەپێدەران بەردەوامن لە دروستکردنی یاری بۆ دوو سیستەمە ڕکابەرەکە و ڕۆژێک تێناپەڕێت تیایدا کۆمەڵێک یاری نوێ بۆ کۆگاکانی ئەم دوو سیستەمە زیاد نەکرێت، لێرەدا ئاماژە بە کۆمەڵێک لە باشترین یارییەکانی هەفتەی ڕابردوو دەکەین.

١-Botheads

یارییەکی فیزیاییە تیایدا کۆمەڵێک ڕۆبۆتی فڕیوی بچوک کۆنتڕۆڵ دەکەیت و خۆت لە کۆمەڵێک بەبەستی جۆراوجۆر لادەدەیت، ئەو شوێنانەی پیایاندا تێدەپەڕیت ڕووناک دەبنەوە و جیهانەکەت بۆ ڕووناک دەکەنەوە.

داگرتن بۆ ئای ئۆ ئێس

٢-Drop wizard tower

کۆمەڵێک شەڕانگێز هەموو جادووگەرەکانی دورگەکەیان گرتووە و دەستیان بەسەر هێلکە کۆنە بەنرخەکەدا گرتووە! تۆش کە یەکێکیت لە جادووگەرەکان خۆت دەرباز دەکەیت و بەسەریاندا سەردەکەویت و هێلکەکە دەدۆزیتەوە لەم یارییە ڕەنگاوڕەنگە شێوە کۆنەدا.

داگرتن بۆ ئای ئۆ ئێس

داگرتن بۆ ئەندرۆید

٣-Trail of treasures

ئەم یارییە هاوشێوەی Pokemon GO بەندە لەسەر شوێنی ڕاستەقینەی خۆت و تیایدا شوێنە هەمەجۆرەکان دەگەڕێیت بۆ دۆزینەوەی گەنجینە و کێبڕکێ کردن لەگەڵ کەسانی تردا.

داگرتن بۆ ئای ئۆ ئێس

داگرتن بۆ ئەندرۆید

٤-Traffic panic boom town

یەکێکی ترە لەو یارییانەی تیایدا شارێک بنیاد دەنێیت، شارێک کە لە ناوەڕاستی بیاباندایە لەسەر دەستت دەبێتە شارێکی جوان و ڕەنگاوڕەنگ و پڕ لە باڵەخانە و دوکان و ئۆتۆمبێلی جۆراوجۆر! یارییەکی چڕ و پڕە و بەکارهێنەر هەروا زوو لێی بێزار نابێت.

داگرتن بۆ ئای ئۆ ئێس

داگرتن بۆ ئەندرۆید

٥-SIEGE: Titan wars

یارییەکی سەرهێڵی جەنگییە کە کۆمەڵێکی زۆر کاردی جۆراوجۆر لە خۆ دەگرێت و تیایدا شەڕ لەگەڵ کەسانی تردا دەکەیت.

داگرتن بۆ ئای ئۆ ئێس

داگرتن بۆ ئەندرۆید

٦-Mini DAYZ

یارییەکە لە جۆری مانەوە(survival) کە تیایدا لە جیهانێکی وێرانبوودا بەرەنگاری زۆمبییەکان دەبیتەوە و بەدوای خواردن و کەل و پەلدا دەگەڕێیت و مرۆڤی تر دەدۆزیتەوە و دەتوانیت شەڕیان لەگەڵ بکەیت یاخود ببیتە هاوڕێیان.

داگرتن بۆ ئای ئۆ ئێس

داگرتن بۆ ئەندرۆید

٧-That`s lit

گارێت پێویستی بە کرێمی دژە خۆرە! مەهێڵە بسوتێت! یارییەکی پێکەنیناوییە بازهەڵدانێکی زۆر لەخۆ دەگرێت بۆ هەڵگرتنی دژەخۆر و پاراستنی گارێت لە سوتان.

داگرتن بۆ ئای ئۆ ئێس

داگرتن بۆ ئەندرۆید

 

سەرچاوە :
بۆچونی تۆ