12 تایبەتمەندی نایابی مۆبایلی Red Hydrogen One بۆ کاری سینەمایی

کۆمپانیای ڕێد کە تایبەتمەندە بە دروستکردنی کامێرای تایبەتمەند بەرز وەک ( ڕێد دراگۆن، ڕێد وەن، ڕێد وێپن، ڕێد ئێپیک، ڕێد دێجیتاڵ) کە بەکارهێنانێکی فراوانیان هەیە لە بواری سینەمادا و زۆرینەی فیلمە سینەماییەکانی هۆڵیود و بۆڵیود بە کامێراکانی ئەم کۆمپانیایە تۆمار دەکرێن، لە ئێستادا سەرقاڵی بەرهەمهێنانی مۆبایلێکی زیرەکە کە بە (ڕێد هایدرۆجین وەن) ناودەبرێت.

تایبەتمەندیەکانی ڕێد هایدرۆجین وەن:

۱ـ ڕوونمایەکی زۆر ناوازە و توانای پیشاندانی ڤیدیۆکن بە ڕوونی 4K

۲ـ توانای تۆمارکردنی ڤیدیۆ بە ڕوونی 4K

۳ـ نیشاندانی ڤیدیۆی 3D و بینینی بەبێ بەکارهێنانی چاویلکەی 3D.

٤ـ ڕونمایەک بە قەبارەی ٥.٥ ئینچ.

٥ـ قەبارەی مۆبایلەکە کەمێک لە ئایفۆنی۷ پڵەس گەورەترە.

٦ـ وێنەگرتن و تۆمارکردنی ڤیدیۆ لە ڕێی دوگمەیەکی تایبەت دەبێت لە قەراغی مۆبایلە هۆشمەندەکە، بەمەش دەتوانیت خێراتر ساتەکانت تۆمار بکەیت بەبێ گەڕانەوە بۆ ناو سیستم و چونە ناو نەرمە کاڵای کامێرا.

۷ـ دووانە کامێراکەی ڕوونی ۲٤ مێگا پێکسڵە و لەلایەن خودی کۆمپانیای ڕێد بۆ کامێرای سینەمایی درووست کراوە.

٨ـ لە کاتی کڕینی هایدرۆجین وەن دەتوانیت مۆنتی بە جودا بۆ بکڕیت ، بۆ بەستنی هاوێنەی فۆتۆگرافی تایبەت بە کامێراکان.

۹ـ مۆبایلەکە کێشی ۳٤۷ گرامە.

۱۰ـ پێش و پاشی مۆبایلەکە لە کانزا درووست کراوە و توانای کەوتنە خوارەوە و نەشکاندنی هەیە لە ۲ مەترەوە.

۱۱ـ سیستمی دەنگی ستریۆی هەیە ئەویش لە ڕێی دوو بڵندگۆی گەورەوە.

۱۲ـ نەرمە کاڵای تایبەتی تێدایە بۆ مۆنتاژکردن.

داواکاری پێشوەختە بۆ کڕینی مۆبایلەکە:
ڕوپۆشی ئەلەمنیۆم بە نرخی ١١٩٥ دۆلاری ئەمریکی
ڕوپۆشی تایتانیۆم بە نرخی ١٥٩٥ دۆلاری ئەمریکی

ڤیدیۆیەک لەسەر مۆبایلەکە: