کۆمپیوتەر 4, كانونی دووه‌م 2018

کۆمەڵێک لاپتۆپی Lenovo Thinkpadی نوێ ڕاگەیەندران

لێنۆڤۆ هاوشێوەی ڕکابەرەکانی سەرقاڵی نوێکردنەوەی لاپتۆپەکانیەتی و ئەمڕۆ کۆمەڵێک نەوەی نوێی لاپتۆپەکانی ڕاگەیاند، سەرنجڕاکێشترینی ثینکپادە نوێیەکان X280 و X380 Yogaن، هەردووکیان پڕۆسێسەری نەوەی هەشتەم لە جۆری Core i7 لەخۆدەگرن، بە ڕامی تاوەکوو ١٦گب و بیرگەی تاوەکوو ١گب لە جۆری SSD بەردەستن، جۆری X380 Yoga هەروەک بە ناوەکەیدا دیارە دەکرێت وەک تابلێت بەکاربێت و خاوەن ڕوونمایەکی لەمسە، تەنانەت پێنووسێکیشی لەگەڵدایە، هەموو ثینکپادە نوێیەکان لە ڕێگای دەرچەی USB-Cیەوە بارگاوی دەکرێنەوە.

جۆری X280 هاوشێوەی کۆمەڵێک لە لاپتۆپە نوێیەکان پارچەیەک لەخۆدەگرێت کە دەکرێت کامێرای لاپتۆپەکەی پی دابپۆشی لەبەر هۆکاری ئاسایش، بەڵام X380 Yoga ئەم تایبەتمەندییەی نییە، بەڵام لە بەرامبەردا خاوەن کامێرایەکی IRە کە پشتگیری Windows Hello و ناسینەوەی ڕووخسار دەکات.

جگە لە زنجیرەی ئاست بەرزی X هەریەک لە زنجیرەکانی T و زنجیرەی ئاست نزمی L نوێ کراونەتەوە و ئێستا پڕۆسێسەرەکانی نەوەی هەشتەم لەخۆدەگرن، هەرسێ جۆرە نوێیەکەی زنجیرەی T داپۆشەری کامێرایان هەیە و T480 و T580 کامێرای ناسەرەوەی ڕووخساریان هەیە.

نرخەکان دەست پێدەکەن لە:

٩٩٩ دۆلار بۆ X280

١٤٥٩ دۆلار بۆ X380 Yoga

٩٨٩ دۆلار بۆ زنجیرەی T

٦٠٩ دۆلار بۆ زنجیرەی L

سەرچاوە :
بۆچونی تۆ