جۆرێک لە ساختەکاری لە سێ جۆرەکەی کامێرای Canon EOS 6D بزانە!

بە شێوەیەکی بنەڕەتی هەر کامێرایەکی فۆتۆگرافی تایبەتمەندی تایبەتی خۆی هەیە و دەکرێت چەند جیاوازیەکی زۆری لەگەڵ کامێراکانی دیکە هەبێت.
بەڵام لێرەدا بەراورد لە نێوان کامێراکان ناکەین بەڵکو باسی فێڵێکی کۆمپانیای کانون دەکەین لە کامێرایەکی جۆری 6D.

کامێرای 6D کە کامێرایەکی فوولفرێمە و لەشی کامێراکە لە جۆری DSLRــە و ئەوەی ئەم کامێرایە لە کامێرا فوولفرێمەکانی دیکەی کانون جیا دەکاتەوە بوونی سیستمی wi-fi و سیستمی شوێنگر یاخوود GPSــە.
بەڵام کە گوتمان 6D دەبێ بپرسین کام جۆر!، چونکە کامێراکە بە سێ جۆر هەیە.

• جۆری یەکەم کە بە WG ناودەبرێت یاخوود لەسەر پاکەتی کامێراکە دەنوسرێت Canon EOS 6D(WG)، ئەم کامێرایە خاوەنی تەنیا سیستمی wi-fiــیە و هەڵگری سیستمی GPS نیە لە کاتێکدا لەسەرخوودی کارتۆنی کامێراکە نوسراوە کە هەردوو تایبەتمەندی تێدایە!
• جۆری دووەم کە بە N ناودەبرێت یاخوود لەسەر کارتۆنی کامێراکە دەنوسرێت Canon EOS 6D(N) ئەم جۆرەیان هیچ یەکێک لە سیستمەکانی wi-fi و GPSــی نیە.
• جۆری سێیەم کە بە W ناودەبرێت یاخوود لەسەر کارتۆنی کامێراکە دەنوسرێتCanon EOS 6D(W) ئەم جۆرەیان باشترین جۆری کامێراکەیە و خاوەنی هەردوو سیستمەکانی wi-fi و GPSــیە.

ڕامیار دڵشاد