ئەپ و نەرمەکاڵا 1, شوبات 2018

فەرهەنگێکی نوێی زاراوە پزیشکییەکان بڵاوکرایەوە بۆ سیستەمی iOS

ئەپی Nabaz Drug Dictionary  فەرهەنگێکی پزیشکییە و لە ئێستادا بۆ سیستەمی iOS بەردەستە و بەم زوانەش بۆ سیستەمی ئەندرۆید بەردەست دەخرێت.

ئەم فەرھەنگە پزیشكیە تایبەتە بە دەرمانەکان کە دەتوانیت بە ناوی زانستی و ناوی بازرگانی بە دوای دەرماندا بگەرێت، خاوەنی داتابەیسێکە بە بوونی زیاتر لە ۱٥۰۰ ناوی دەرمان و زانیارییەکان لەسەریان، ئەپەکە کێشی ١٧٣ مب دەبێت و بۆ سوود وەرگرتن لە تەواوی ناوەڕۆکی ئەپەکە پێویستت بە کڕینی کۆدی چالاککردن نابێت و ئەپەکە فرییە.

تایبەتمەندییەکانی ئەپەکە:

  • ناوی زانستیی و بازرگانی.
  • شێوەی دەرمان‎.
  • گروپی دەرمان.
  • چۆنیەتی بەكارهێنان.
  • كاریگەری لاوەكی.
  • بڕی دەرمان.
  • ‎وێنەی دەرمان.

۲ بەشی تری گرنگ لە خۆ دەگرێت و پێکهاتووە لە:

  • بەشی گەڕانی پێشوو (History): لەم بەشەدا ھەموو گەڕانەکانی پێشووت یان ئەو وشەیەی زۆرترین گەڕانت بۆ کردووە دەپارێزێت.
  • بەشی دڵخواز (Bookmarks): ھەر وشەیەکت بوێت یان ئەو وشەی کە زۆر بە کاری دەهێنیت دەتوانیت لەوێدا ھەڵیان بگریت.
  • لەگەڵ چەندان تایبەتمەندی تر.

کرتە لەم بەستەرە بکە بۆ داگرتن

چەند وێنەیەکی ئەپەکە:

 

بۆچونی تۆ