مۆبایلی Alcatel pixi 4 plus جۆرێک لە مۆبایلە گونجاوەکان بە نرخێکی کەم

ئەلکاتێل کۆمپانیایەکی فەڕەنسییە و بە کەمی نرخ و باشی بەرهەمەکانی دەناسرێتەوە، بۆیە مۆبایلی Alcatel pixi 4 plus power کەلێرە مەبەستمە ناوی بێنم بەرهەمی ساڵی ۲۰۱٦ـیە بەڵام تایبەتمەندیەکان و نرخەکانی جێی سەرنج دەبن، چونکە ئامانجی بەکارهێنەرێکی زۆر دەپێکێت، لە پێداچونەوەکانی پێگەکانیش بە باشی ناوی هاتووە.

ئەم مۆبایلە زۆربەی کارەکانت بەباشی بۆ ئەنجام دەدات لە وێنەگرتن و بەکارهێنانی ئینتەرنێت و نەرمەواڵەکان کە ئەمە ئارەزووی زۆربەمانە. تایبەتمەندیەکانی بەم شێوەیەی خوارەوەیە:

بارگاویەکی زۆر باش بە توانای ٥۰۰۰ میللی ئەمپێر.کاتژمێر کە خاڵی بەهێزی مۆبایلەکەیە، ماوەی ٥ ڕۆژ لەکاتی بەکارهێنانی ئاسایی و ڕۆژێکی تەواو لە کاتی بەکارهێنانی ئینتەرنێت بەرگە دەگرێت. هەروەها دەتوانین مۆبایلی تری پێ بارگاوی بکەینەوە.

• بیرگەی ناوەکیی ۱٦ گێگابایت، پشتگیریی بیرگەی دەرەکی تا ٦٤ گێگابایت.
• بیرگەی کاتیی (ڕام) بە فراوانیی ۱.٥ گێگابایت.
• پڕۆسێسەر میدیا تێک ٦٥٨۰.
• کامێرای پشتەوە ۱۳ مێگاپێکسڵ لەگەڵ بوونی فلاش.
• کامێرای پێشەوە ٥ مێگاپێکسڵ لەگەڵ بوونی فلاش.
• قەبارەی ڕوونما ٥.٥ ئینج بە ڕوونی ۷۲۰ (HD) بە تەکنەلۆژیای IPS.
• سیستەمی کارکردن ئەندرۆید مارشماڵۆ ٦.۰.
• پشتگیری لە بارگاوی کردنەوەی خێرا دەکات.
• لە خۆگرتنی ۲ سیمکارت و بیرگەی دەرەکی لە هەمان کاتدا.
• پشتگیری تۆڕی 3G دەکات.
• کێشی ۲۰۲ گرامە.

نرخیشی نزیکەی ۱۳۰ هەزار دیناری عێراقییە.

ئەحمەد سعید