فۆتۆگرافی

کۆمپانیای سامسۆنگ کار لەسەر کامێرایەک دەکات بۆ ئاستی شارەزا(Professional).


کۆمپانیای سامسۆنگی کۆری ساڵانێکە لە کامێرای نایاب دابڕاوە بە جۆرێک کە چاودێران وای دەبینن کە کۆمپانیاکە کشابێتەوە لەڕکابەری کۆمپانیاکانی بواری دروستکردنی کامێرا بە تایبەت (سۆنی، کانون و نیکۆن)، ئەمەش لە دوای ئەوەمدێت کە دوو ساڵە کۆمپانیاکە بە فەرمی هیچ کامێرایەکی ڕانەگەیاندووە.
وە لە ئێستادا دەنگۆ هەیە دەربارەی ئەوەی کۆمپانیای سامسۆنگ کار لەسەر کامێرایەکی ئاست بەرز دەکات لە ژێر مۆدێلی سامسۆنگ ئێن ئێکس “Samsung NX” بەپێی چەند زانیارییەکی دزەپێکراو، کامێراکە خاوەنی پڕۆسێسەری ئێگزینۆوس ۹٨۱۰ دەبێت کە هەمان ئەو پڕۆسێسەرەیە کە سامسۆنگ لە مۆبایلە هۆشمەندەکانی ئێس ۹ و ئێس ۹ پڵەس بەکاری دەبات.

دڵنیایی لەسەر ئەوە دراوە کە کامێراکە ئەم تایبەتمەندییانەی دەبێت:

  • هەستەوەری جۆری APS-c بەڕوونی ۳۰.۱ مێگاپێکسڵ.
    سیستمی شوێنگر (GPS).
  • پشتگیری هێڵەکانی LTE دەکات، لە پاڵ بوونی
  • بلووتوسی نەوەی پێنجەم.
  • دەرچەی بیرگەی دەرەکی جۆری SD.
  • بوونی سیستمی پەیوەستکردنی Wi-fi.

11 شوبات، 2018