ئاسایشی ئەلیکترۆنی 23, شوبات 2018

هێرشی “Jackpotting” چییە؟ مەترسییەکانی چین؟


وا دیارە کە گەورەترین و مەترسیدارترین بەرەنگاربوونەوەکان کە جیهان تووشی دەبێت لە ساڵانی داهاتوودا کردارەکانی هاککردنی ئەلیکترۆنین، وە ڕاپۆرتەکان ئاماژەیان کردووە بە قەبارەی ئەو زیانە ئابورییەی کە هۆکارەکەی کردارەکانی هاککردن و بڵاوبوونەوەی زیانەواڵا زیانبەخشەکانن لە چەندین دەوڵەتی جیهاندا و ئەم زیانانەش بە گەورەتر دادەنرێت بە بەراورد بەو زیانانەی کە هۆکارەکەی ڕووداوە سروشتییەکانن، وە لە نێوان ئەو هەڕەشە ئاسایشییانەدا کە جیهان ڕووبەڕووی دەبێتەوە لەم چەند هەفتەی داهاتوودا و بڵاویش بووەتەوە لە کۆمەڵێک دەوڵەتدا هێرشی “Jackpotting”ـە.

“Jackpotting” هێرشێکە ئامانجی سیستمە بانکییەکانە و بەتایبەتیش ئامێرەکانی “ATM” کە تیایدا هاککەر هەڵدەستێت بە دانانی زیانەواڵای زیانبەخش تیایاندا ئەمەش دەسەڵاتی تەواو دەداتە هاککەر لە کۆنتڕۆڵ کردنی ئامێرە بانکییەکان و خاڵی کردنیان لە پارە، ئەم هێرشە بڵاوبوونەوەیەکی فراوانی هەبووە لە ئەوروپا و ئاسیادا و لە ئێستادا سیستمە بانکییەکانی وڵاتە یەکگرتووەکانی ئەمەریکای کردۆتە ئامانج.

بۆ جێبەجێ کردنی ئەم هێرشە هاککەر پێویستە دەستی بگات بە ئامێرە بانکییەکان بۆ دانانی زیانەواڵا زیانبەخشەکان ئەوەش لە ڕێگای گۆڕینی هارد دیسک ی ئامێرە بانکییەکە دەکرێت و بەمەش دەتوانێت کۆنتڕۆڵی ئامێرەکە بکات لە خێرایی دەرهێنانی پارە و ڕێژەکەیدا، هەروەها هاککەرەکان کۆمەڵە ئامێرێک بەکاردەهێنن کەلە شێوەی هاوێنەدان و زیاتر بەکاردەهێنرێت لە بوارە پزیشکییەکاندا و لێرەشدا هاککەر بەکاریدەهێنێت بۆ بینینی ناوەڕۆکی ئامێرە بانکییەکان و ئەم هێرشەیان بڵاوبوونەوەیەکی خێرا و فراوانی بە خۆوە بینی لە 12 دەوڵەتی ئەوروپی و ئاسیاشدا بە تایبەت دوای ئەوەی یەکێک لە هاککەران هەستا بە بڵاوکردنەوەی ئەو ڕێگایەی کە هێرشەکەی پێ ئەنجام دەدرێت لە دارک وێبدا (ئینتەرنێتی تاریک).

بۆچونی تۆ