هێرشکرایە سەر بنکەی سەرەکی یوتیوب: ۳ بریندار هەن

ئەمڕۆ لە ڕووداوێکی تەقەکردندا لە هێرشی چەکدارێک بۆ سەر بنکەی سەرەکی یوتیوب ۳ کارمەندی کۆمپانیاکە بریندار بوون. چەکدارەکە ئافرەت بووە و پاش هێرشەکەی کۆتایی بە ژیانی خۆی هێناوە. سەندەر پیچای سەرۆک و بەڕێوەبەری گووگڵ لە تویتەر غەمباری خۆی بۆ ڕووداوەکە دەربڕی و ڕایگەیاند تیشک دەخاتە سەر پشتگیری کارمەندان و سوپاسی پۆلیسیش دەکات. شایەنی باسە چەندین کەسایەتی گرنگی جیهان بە هەمانشێوە پشتگیری و غەمباری خۆیان بۆ یوتیوب ڕاگەیاند.

پۆلیس ناوی کەسەکەی ئاشکرا کردووە کە ناوی ئاکدام – Aghdamـە و تەمەنی ۳۹ ساڵە. خاوەن کەناڵێک بووە لە یوتیوب، کاری کردووە و بە هەر هۆکارێک گووگڵ سزای داوە و پارەی داهاتی سەردانکەری ڤیدیۆکانی کەمکردووەتەوە، بەم هۆیەش ئاکدام لە توڕەییدا هێرشێکی چەکداریی کردووەتەوە سەر کۆمپانیاکە و بە بریندارکردنی ۳ کارمەند و کوشتنی خۆی کۆتایی هات.

ئاکدام خاوەن چەند ماڵپەڕێک بوو و لە دوای ئەوەی ڤیدیۆیەکی بڵاوکردەوە و لەلایەن یوتیوبەوە سزا درا، لەسەر ماڵپەڕەکەی خۆی ڕوونکردنەوەی دەربارەی سزاکەی داوە و چەند نوسراوێکی بڵاوکردووەتەوە لەوانە وتەیەکی ئەدۆڵف هیتلەر کە دەڵێت: “درۆکان گەورە بکە، سادەی بکە و بەردەوام بە لەسەری بڕوات پێدەکەن.” باوکی ئاکدام بە پۆلیسی ڕاگەیاند ئەوان ئاگادار بوون لەوەی کە ئاکدام لە یوتیوب توڕەیە و پێشبینیان کردبوو کە بچێت بۆ یوتیوب. ئاکدام لە ڤیدیۆیەکدا:

Attack inside #YouTube office in #SanBruno by NASIM AGHDAM seems directed at the company because she states her videos are being censored, hear and see her explain: pic.twitter.com/HvIKCPgaJU

— Roeland Roovers (@r0eland) April 4, 2018

محمد کازم

گرنگی بە نوسینەکانی کەی ئای تی ئێن دەدەم. نوسەرانی ئەم تۆڕە دەیانەوێت کوردستانیش بێبەش نەبێت لە تام و چێژی خوێندنەوە بەڵکو کەی ئای تی ئێن ماڵپەڕێکی فێرکار بێت لە ڕووی نوسین و پەرەپێدانی توانای ڕۆژنامەوانی، بۆ کەسان و پێگەی تر.