سۆنی

سۆنی مۆبایلی Xperia XZ2 Premiumـی ڕاگەیاند خاوەنی ڕونمای 4K HDR و یەکەم مۆبایلی دوانە هاوێنەیی کۆمپانیاکەیە

کۆمپانیای سۆنی نوێترین مۆبایلی لە زنجیرەی ئێکسپێریای بە شێوەیەکی چاوەڕواننەکراو بەناوی Xperia XZ2 Premium ڕاگەیاند. کە خاوەنی ٢ هاوێنەیە لە کامێرای پشتەوەیدا.
ڕونمای مۆبایلەکە ٥,٨ ئینچە بە ڕوونی 4K HDR کە لە ٪١٠ گەورەترە لە مۆبایلی Xperia XZ2 وە بە ڕێژەی ٪٣٠ خاوەنی ڕوونییەکی زیاترە و بە شوشەی پارێزەری Gorilla Glass 5 ڕوپۆشکراوە.
مۆبایلەکە هەڵگری پڕۆسێسەری سناپدراگۆنی ٨٤٥ـە و ڕامەکەشی بە فراوانی ٦ گێگابایتە هەروەها بیرگەی ناوەکی مۆبایلەکە ٦٤ گێگابایتە، و توانای کارپێکردنی بیرگەی دەرەکی هەیە تا قەبارەی ٤٠٠ گێگابایت.
هەستەوەری کامێرا دوانە هاوێنەییەکەی مۆبایلەکە “Motion Eye” خاوەنی بەرزترین ئاستی ڕوناکییە کە چێژێکی زیاتر دەبەخشێت بە وێنەگرتن لە دۆخی تاریکدا و خاوەنی ڕێژەیەکی بەرزی ئایزۆیە کە دەگاتە زیاتر لە ٥٠ هەزار.
هەروەها هاوشێوەی کامێرای مۆبایلی XZ2، توانای تۆمارکردنی ڤیدیۆی بە ڕوونی 4Kـ هەیە، و کامێرای پشتەوەی خاوەنی ١٩ مێگاپێکسڵ و ١٢ مێگاپێکسڵە بۆ هەر هاوێنەیەک. ڕونی کامێرای پێشەوەش ١٣ مێگاپێکسڵە لەگەڵ بوونی فلاش.
پاتری Xperia XZ2 Premium  ٣٥٤٠ میلی ئەمپێرە کە ڕێژەیەکی تەواو گونجاوە بۆ مۆبایلێکی لەم جۆرە، و مۆبایلەکە پشتگیری بارگاویکردنەوەی خێرا دەکات.
هەڵگری وەشانی ٨,٠ ـی ئۆریۆیە و لە ڕێی پەنجەمۆرەوە قوفڵلی مۆبایلەکە دەکرێتەوە کە لە بەشی پشتەوەی دایە.
نرخی مۆبایلەکە پێشبینی دەکرێت لە نێوانی 850$-950$ بێت، نرخی فەرمی لە هاوینی ئەمساڵدا ڕادەگەیەنرێت.

Image result for Xperia XZ2 Premium

Image result for Xperia XZ2 Premium

Image result for Xperia XZ2 Premium

 

 

16 نیسان، 2018
ئاڤاتار
خوێندكاری قۆناغی سێیەمی زانستی كۆمپیوتەرم لە ز.جیهان سلێمانی، وەکو نوسەرێک و بەڕێوەبەری تۆڕەکۆمەڵایەتییەکان لەم تۆڕە زیاتر گرنگی بە هەواڵی تەکنەلۆژی و سیستەمی کارپێکردنی مۆبایلی زیرەکی ئەندرۆید، ویندۆز، وپاراستنەکان و هتد...دەدەم. هەموومان لەم تۆڕە ئامانجمان خزمەتکردنێکە شایستەبێت بە ئێوەی خوێنەر، و بتوانین ببینە سەرچاوەیەکی گرنگی هەواڵ و زانیاری تەکنەلۆژی هاوشانی تۆڕە گەورە جیهانییەکان تایبەت بە خوێنەری کورد زمانمان. (تەکنەلۆژیای کوردی پێویستی بە بەرەو پێش بردن و کاری خۆبەخشییە! خزمەتی بێبەرامبەری ئێمە بۆ ئێوەیە، هیچ نەبێت بە خوێندنەوە لەگەڵمان بن)!
222