هەواڵ

هاککەرێک بەڵێنی هاککردنی زۆرێک لە کەناڵە یوتیوبە کوردییەکان دەدات و ئاگاداریان دەکاتەوە

کەناڵێکی یوتیوبی کوردی کە لەلایەن هاککەرێکی کوردە بەڕێوە دەچێـت ئەمڕۆ هەستا بە هاککردنی کەناڵی کوردیش ماسک کە یەکێک بوو لە کەناڵە گەورە کوردییەکانی پێگەی یوتیوب کە زیاتر لە ٦٤ هەزار سەبسکرایبی هەبوو.
ئەم هاککەرە بەبێ پیشاندانی هیچ ئامانجێکی ڕوون جگە لە هاککردنی یوتیوبەرەکان بەڵێنی بەردەوامی دەدات کە چەند کەناڵێکی دیکەی کوردی پێگەی یوتیوب هاک دەکات.
لە کۆتای ڤیدیۆکەیدا پەیامێکی ڕاگەیاندووە و دەڵێت “ئێمە هەرگیز ناوەستین، هەرگیز نابەزین، سەربەرزی بۆ ئێمەیە” هەروەها ئاگاداری یوتوبەرانی دیکەش دەکاتەوە کە لە وانەیە ئەوانیش هاکبکرێن.
خاوەنی کەناڵی کورد ماسکیش ئاماژە بەوە دەکات بە شێوازی فێڵ کەناڵەکەی هاککراوە و گومانی لە چەند کەسێک هەیە کە تێپەڕەوشەی پێداون و گومانی لەوان هەیە.

دەقی پەیامی هاککەرەکە لە کەناڵی خۆیەوە:

تێبینی: ئێمە وەک کەی ئای تی ئێن ئامانجمان ئەوە نییە کارەکانی ئەم هاککەرە بەناوبانگ بکەین بەڵکوو تەنها وەک هەواڵێک ئەم بابەتە بڵاوکراوەتەوە.

11 حوزه‌یران، 2018
ئاڤاتار
نوسەر و بەڕێوەبەری تۆڕەکۆمەڵایەتییەکانم لە کەی ئای تی ئێن، لە بواری تەکنیکی پێگەکان و بەڕێوەبردنی پەیج و هەژمارەکانی دیکەدا کاردەکەم، خوێندكاری قۆناغی سێیەمی زانستی كۆمپیوتەرم. شارەزایی پەیداکردنی زیاتر لە بواری سۆشیاڵ میدیادا خولیای منە و لەم پێگەیەوە دەمانەوێت ئێوە ئاشنا بکەین بە جیهانە جوانەکەی تەکنەلۆژیا.
234