یوتیوب مانگانە ١,٩ ملیار بەکارهێنەری چالاکی هەیە

لە کۆنگرەی ڤیدکۆن کۆمپانیای یوتیوب کە خاوەنی گەورەترین سەکۆی ڤیدیۆی سەرهێڵە کە لە سەرانسەری جیهانەوە خەڵکی ڤیدیۆ بەرز دەکەنەوە بۆ ئەم پێگەیە و هاوبەشی پێدەکەن لەگەڵ هاوڕێیانیاندا.

لە کۆنگرەکەدا کۆمپانیاکە ڕایگەیاند ڕێژەی بەکارهێنەرانی یوتیوب گەشتووەتە ڕێژەیەکی پێوانەیی و ١.٩ ملیۆن بەکارهێنەری چالاکی تێپەڕاندووە کە بەردەوام سەردانی پێگەکە دەکەن لە کاتە جیاوازەکانی ڕۆژدا و تێکڕای ئەو کەسانە دەگرێتەوە کە خۆیان تۆمارکردووە یاخوود بەبێ هەژمار سەردانی پێگەکە دەکەن.
ژینگەی کارکردنی تۆڕی یوتیوب ٨٠ زمانی جیهانی لەخۆ دەگرێت و کە هۆکاری باشبووە بۆ کۆکردنەوەی ئەو ژمارە زۆرەی بەکارهێنەر و پەیدابوونی زیاتری مۆبایلە زیرەکەکان کە زۆرترین خەڵک لەو ڕێگەیەوە سەردانی پێگەکە دەکەن یارمەتی دەرێکی دیکەی یوتیوب بووە.
هەروەها لە ڕۆژانی پێشوودا کۆمپانیاکە ڕایگەیاندبوو کە نیازی هەیە و لەماوەیەکی کورتدا تایبەتمەندی فرۆشتنی سەرهێڵی کەرەستەکانی یوتیوبەران بەردەست دەخات و لە ڕێی هەژمارەکانیانەوە دەتوانن کەل و پەلەکانیان بفرۆشن.

سەلمان خالید

نوسەر و بەڕێوەبەری تۆڕەکۆمەڵایەتییەکانم لە کەی ئای تی ئێن، لە بواری تەکنیکی پێگەکان و بەڕێوەبردنی پەیج و هەژمارەکانی دیکەدا کاردەکەم، خوێندكاری قۆناغی چوارەمی زانستی كۆمپیوتەرم. پەیداکردنی ئەزموونی زیاتر لە بواری سۆشیاڵ میدیادا خولیای منە و لەم پێگەیەوە دەمانەوێت ئێوە ئاشنا بکەین بە جیهانە جوانەکەی تەکنەلۆژیا. کرتە لە ناونیشانی تۆڕەکۆمەڵایەتییەکانم بکەن لە وێنۆچکەکانی دەستە چەپدا.