ئەپڵ 12, ته‌مموز 2018

ئەپڵ زنجیرەی ماکبووک پرۆی ٢٠١٨ـی بە کۆمەڵێک تایبەتمەندی نوێوە ڕاگەیاندن

ئەمڕۆ ئەپڵ زنجیرەی ماکبووک پڕۆی ٢٠١٨ی بە تاچ باڕی بە کۆمەڵێک گۆڕانکارییەوە ڕاگەیاندن. تایبەتمەندییەکان زیاتر نێوخۆیین و بریتین لە نەوەی هەشتەمی پڕۆسێسەرەکانی ئینتێڵ تا ٦ کۆر، تا ٣٢ گێگابایت ڕامی DDR4، تا ٤ تێرابایت بیرگەی جۆری SSD، ڕوونمای True Tone، چیپی Apple T2، نەوەی سێیەمی تەختەکلیل کە بێدەنگترە لە نەوەی پێش خۆی و چەند تایبەتمەندییەکی تریش.

شایەن ئاماژەیە، ئەم زنجیرەیە جۆری ١٣ ئینجی بە تاچ باڕی Quad-Core بۆ زیادبووە. ئەمە لە کاتێکدا ئەپڵ هیچ گۆڕانکاریەکی لە جۆرە ئاساییەکەی ماکبووک پڕۆی ١٣ ئینجی واتە بەبێ تاچ باڕ نەکردووە و هەر بە dual-core ماوەتەوە.

ئەمانەی خوارەوە تایبەتمەندی ماکبووک پڕۆی ١٥ ئینجی تاچ باڕ:

  • ئینتێڵ کۆر ئای ٧ و ئای ٩ تا ٦ کۆر و بەخێرای تا ٢,٩ گێگاهێرتز بە بوونی Turbo Boost تا ٤,٨ گێگاهێرتز.
  • تا ٣٢ گێگابایت ڕام جۆری DDR4.
  • گرافیک کاردی جۆری Radeon Pro تا ٤ گێگابایت.
  • بیرگەی نێوخۆیی تا ٤ تێرابایت جۆری ئێس ئێس دی.
  • تەکنەلۆژیای True Tone لە ڕوونماکەیدا.
  • چیپی Apple T2
  • بوونی تاچ باڕ و تاچ ئای دی

ئەمانەی خوارەوە تایبەتمەندی ماکبووک پڕۆی ١٣ ئینجی تاچ باڕ:

  • ئینتێڵ کواد کۆری ئای ٥ و ئای ٧ بەخێرای تا ٢,٩ گێگاهێرتز بە بوونی Turbo Boost تا ٤,٥ گێگاهێرتز و دووجار eDRAM.
  • تا ٣٢ گێگابایت ڕام جۆری DDR4.
  • گرافیک کاردی جۆری Intel Iris Plus 655 بە بوونی ١٢٨ مێگابایت لە eDRAM.
  • بیرگەی نێوخۆیی تا ٢ تێرابایت جۆری ئێس ئێس دی.
  • تەکنەلۆژیای True Tone لە ڕوونماکەیدا.
  • چیپی Apple T2
  • بوونی تاچ باڕ و تاچ ئای دی

جێگەی باسە، ماکبووک پڕۆی ١٣ ئینجی ٢٠١٨ی تاچ باڕ نرخی لە ١٧٩٩ دۆلار دەست پێدەکات و جۆری ١٥ ئینجی ٢٠١٨ی تاچ باڕ لە ٢٣٩٩ دۆلارەوە دەست پێ دەکات. بە گوێرەی ئەپڵ لە ئەمڕۆوە هەر یەک لە ماکبووکە نوێیەکان لەسەر ماڵپەڕی Apple.com بەردەستن بۆ کڕین و لە هەفتەی داهاتووش لە فرۆشگا باوەڕپێکراوەکانی ئەپڵ بەردەست دەبن.

بۆچونی تۆ