بابەتی گرینگ 31, ته‌مموز 2018

هواوەی ئۆنەر نۆوت ١٠ ڕاگەیاندرا

کۆمپانیای هواوەی ئەمڕۆ لەوڵاتی چینەوە مۆبایلێکی نوێی بەناوی (ئۆنەر نۆوت ١٠) ڕاگەیاند، مۆبایلەکە خاوەن تایبەتمەندیی بەرزە و تەکنەلۆژیای ساردکردنەوەی تێدا بەکارهاتووە، جگە لەمانەش خاوەن پاترییەکی فراوانە.

ئەمانە دیارترین تایبەتمەندییەکانی مۆبایلەکەن:

  • ڕوونما: بەقەبارەی ٦.٩٥ ئینچ و بەڕوونی +Full HD (١٠٨٠ بە ٢٢٢٠ پیکسڵ) و لەجۆری AMOLED، هەروەها ڕوونماکە پشتگیری ستاندەری HDR10 دەکات بۆ پێدانی ڕەنگی جوانتر بەڕوونماکە

  • پڕۆسێسەر: کیرین ٩٧٠
  • ڕام: ٦\٨ گێگابایت
  • بیرگەی ناوەکیی: بۆ ڕامی ٦ گێگابایت: ٦٤\١٢٨ گێگابایت – بۆ ڕامی ٨ گێگابایت: ١٢٨ گێگابایت

  • پشتگیری بیرگەی دەرەکیی دەکات
  • ئەوەی چاوەڕواننەکراو بوو لەمۆبایلەکەدا بەکارهێنانی تەکنەلۆژیای ساردکردنەوەیە کە کۆمپانیاکە ناوی ناوە (نۆیەمین) کە لەنۆ پارچە پێکدێت و بەڕێژەی %٤١ باشتر پلەی گەرمیی مۆبایلەکە بەڕێوەدەبات، هەروەک هواوەی ئاماژەی پێداوە بەبوونی ئەم تەکنەلۆژیایە مۆبایلەکە پلەی گەرمییەکەی ١٠ پلەی سیلیزیی کەمتر دەبێت بەبەراورد لەگەڵ مۆبایلەکانی تر لەهەر بارودۆخێکدا

  • بێگومان مۆبایلەکە پشتگیری لە تایبەتمەندیی (GPU Turbo) دەکات کەتوانایەکی زیاتر دەدات بەپڕۆسێسەری گرافیکیی مۆبایلەکە، جگە لەمەش، بۆ ئەم جارە ئەم مۆبایلە پشتگیری لە (CPU Turbo) ـش دەکات کەئەمیشیان توانا و خێراییەکی زیاتر دەدات بەپڕۆسێسەری مۆبایلەکە.
  • کامێرا: ٢٤+١٦ مێگاپیکسڵ – کامێرای سێڵفیی: ١٣ مێگاپیکسڵ

  • سیستەمی کارپێکەر: ئەندرۆید ئۆریۆ ٨.١ لەگەڵ EMUI 8.2
  • پاتری: ٥,٠٠٠ میلی ئەمپێر لەکاتژمێرێکدا، پشتگیری بارگاوی کردنەوەی خێرا دەکات لەجۆری (Super Charge)
  • نرخ: 

– ڕام ٦ گێگابایت \ بیرگەی ناوەکیی ٦٤ گێگابایت: ٤٠٩ دۆلار

– ڕام ٦ گێگابایت \ بیرگەی ناوەکیی ١٢٨ گێگابایت: ٤٦٨ دۆلار

– ڕام ٨ گێگابایت \ بیرگەی ناوەکیی ١٢٨ گێگابایت: ٥٢٧ دۆلار

  • ڕەنگ: ڕەش + شین
  • مۆبایلەکە لەئێستادا لەچین بەردەستە بۆ داواکاری پێشوەخت و لەبەیانیشەوە دەستدەکرێت بەفرۆشتنی
سەرچاوە :
بۆچونی تۆ