مۆبایلی Oppo R17 بە پەنجەمۆری ژێر ڕوونما و دیزاینێکی سەرەنجڕاکێشەوە نمایشکرا

پێش بڵاوبوونەوەی هەر بەرهەمێکی کۆمپانیای تایبەت بە مۆبایلی زیرەک ئەوا ماڵپەرەکان پڕ دەبن لە زانیاری و وێنەی دزەپێکراو دەربارەیان. مۆبایلەکانی ئۆپۆش  بەدەرنیین لەو مۆبایلانەی کە  پێش بڵاوبوونەوەیان چەندەها زانیاری و وێنەی دزەپێکراویان لەسەر بڵاودەبنەوە.

جێگای ئاماژەیە، لەماوی ڕابردوودا ئۆپۆ مۆبایلی Find X ڕاگەیاند و جیاواز لە زۆرێک لە مۆبایلەکانی تر ڕوونمای مۆبایلەکە نۆتچ (Notch) نەبوو. بەڵام دوێنی دوو شەممە کۆمپانیای ئۆپۆ بەفەرمی مۆبایلە نوێیەکەی بەناوی Oppo R17 نمایشکرد. جێگەی ئاماژەیە مۆبایلەکە پەنجەمۆری لەژێر روونمایە و نۆتچێکی بچووک لەبەشی سەرەوەی بوونی هەیە. ئەم مۆبایلە پشتگیری لە تەکنەلۆژیای بارگاویکەرەوەی خێرا Oppo VOOC دەکات کە بەماوەیەکەی کەم مۆبایلەکە لە سفرەوە دەگەیەنەێتە ١٠٠%.

پوختەی تایبەتمەندییەکانی Oppo R17:

• ڕوونما: ٦.٤ ئینجە بەڕوونی Full HD لە جۆری AMOLED بە بوونی نۆچێکی بچووک هاوشێوەی مۆبایلی Essential PH-1
• ڕام: ۸ گێگابایت
• پرۆسێسەر: سناپدراگۆن ٦۷٠
• بیرگەی ناوەکی: ۱۲۸ گێگابایت
• توانستی پاتری: ۳٥٠٠میلی ئەمپێڕ/کاتژمێرە. وە پشتیوانی بارگاویکەرەوەیی خێرا دەکات و بە نیوکاتژمێر ٪۸٥ پر دەبێتەوە.
• سیستەم: ئەندرۆد ئۆریۆ ۸.۱ بەکارهێنانی ڕووکاریColor OS 5.2
• کامێڕا: پێشەوە ۲٥ مێگاپێکسڵ و کامێرای دواوە دوانە کامێرایە و ۱٦ مێگاپێکسڵ بە ۲٠ مێگاپێکسڵە.

شایەنی باسە، ئەم مۆبایلە لە ڕۆژی شەممەی داهاتووەوە بە هەردوو ڕەنگی شین و وەنەوشەیی دەست بە فرۆشتنی دەکرێت. وە دەربارەی نرخی مۆبایلەکە تا ئێستا ڕوون نییە مۆبایلەکە نرخی چەند دەبێت. ئەمانەی خوارەوە چەند وێنەیەکن لە مۆبایلەکە:

عوسمان ئەحمەد