گووگڵ 23, ئاب 2018

تەختەکلیلی GBoard ژمارەیەکی پێوانەیی تۆمارکرد

هەروەکو ئاشکرایە کە تەختەکلیلی GBoard یەکێکە لە بەربڵاوترین تەختەکلیلەکان بۆ مۆبایلە زیرەکەکان، بەم بۆنەیەوە ئەم تەختە کلیلە ژمارەیەکی پێوانەیی تۆمارکرد و ژمارەی داگرتنەکانی گەیشتە ١ بلیۆن داگرتن لەسەر گووگڵ پلەی.

بێگومان کەم ئەپ هەیە ڕێژەکەی گەیشتبێتە ئەم ئاستە لە گووگڵ پلەی، بەڵام ئەمانە هەندێک لەوانەی کە گەیشتوونەتە ١ بلیۆن: سکایپ، فەیسبووک مێسنجەر، ئینستەگرام، گووگڵ فۆتۆس. ئەمەی تەختەکلیلی Gboardـيش بەرهەمی هەوڵە بەردەوامەکانی گووگڵە لە گەشەپێدانی ئەم تەختەکلیلە.

ئەگەر تا ئێستا ئەم تەختەکلیلەت بەکارنەهێناوە، ئەوا ئێستا کاتی ئەوەیە تاقیبکەیتەوە و چێژ لەم هەموو تایبەتمەندیە وەرگریت کە هەیەتی. ئەم تەختەکلیلە پشتگیری سەتان زمان دەکات و چەندان تایبەتمەندی ناوازەی تێدایە و لەگەڵ چەند خزمەتگوزاریەکی گووگڵیش تێکهەڵکێش کراوە. بۆ نمونە گووگڵ ترانزلەیت واتە وەرگێری گووگڵ. دەتوانیت لەم بەستەرەوە Gboard دابگریت.

 

تاگەکان google
بۆچونی تۆ