تا ئێستا کۆمپانیای هواوەی چەند مۆبایلی P20 و P20 Proـی فرۆشتووە؟

کۆمپانیای هواوەی ڕێژەی فرۆشتنی مۆبایلەکانی P20 و P20 Pro ئاشکراکرد و ڕایگەیاند ١٠ ملیۆن دانە لە هەردوو مۆبایلەکە لە ماوەی ٥ مانگی ڕابردوودا فرۆشراون، هۆکاری ئەم فرۆشتنەزۆرەش بۆ بوونی کامێرایەکی ناوازە دەگەڕێتەوە بە تایبەتی P20 Pro کە خاوەن ٣-هاوێنەی کامێرایە و لە هەڵسێنگەری Dxo پلەی یەکەمی بە دەستهێناوە.

بە هۆی گەیشتنی مۆبایلەکان بەم ڕێژەیە بەرپرسی وەبەرهێنەری مۆبایلەکانی هواوەی لە لێدوانێکیدا وتی: “دڵخۆشین بەوەی بەم ئەنجامە گەیشتین کە ئەویش فرۆشتنی ١٠ ملیۆن یەکە بوو لە مۆبایلەکانی P20 و P20 Pro. ئێمە دووبارە خۆمان بۆ ڕووبەڕووبوونەوەیەکی گەورەتر و ئاستێکی بەرزتر ئامادە دەکەین. بەردەوام دەبین لە پێشکەشکردنی داهێنانەباشترینەکا بە بەکارهێنەرانمان.”

کۆمپانیای هواوەی لە ماوەکانی ڕابردوودا سەرکەوتنێکی گەورەی لە بازاڕدا بەدەستهێناوە و لەم دواییانەشدا ڕیزبەندی دووەمی لە فرۆشتنی مۆبایلەئاستبەرزەکان لە جیهاندا گرت. کە پێشتر چجێگەی کۆمپانیای ئەپڵ بوو.

• دەربارەی تایبەتمەندییەکانی P20 و P20 بخوێنەوە

محمد کازم

گرنگی بە نوسینەکانی کەی ئای تی ئێن دەدەم. نوسەرانی ئەم تۆڕە دەیانەوێت کوردستانیش بێبەش نەبێت لە تام و چێژی خوێندنەوە بەڵکو کەی ئای تی ئێن ماڵپەڕێکی فێرکار بێت لە ڕووی نوسین و پەرەپێدانی توانای ڕۆژنامەوانی، بۆ کەسان و پێگەی تر.