کەلێنێک ڕێگە دەدات بە تێپەڕاندنی وشەی نهێنی ئایفۆنەکان لە iOS 12

بێگومان هەموومان گوێبیستی پارێزراوی سیستمی ئای ئۆ ئێس بووین بەڵام لەگەڵ بڵاوبوونەوەی هەر سیستمێکی ئای ئۆ ئێسدا ڕێگە و فێڵی نوێ دەردەکەوێت کە بە هۆیانەوە دەتوانرێت وێنە و پێکهاتە کەسێتیەکان ببینرێت، ئێستاش لە iOS 12 و 12.1ـدا دەرکەوتووە کە دەتوانرێت تێپەڕە وشەی تایبەت بە پاراستنی ئایفۆنەکان تێبپەڕێنرێت لە ڕێگەی کەلێنێکەوە و بە شێوازێکی ئاڵۆز، سەرەتا پێویستە تایبەتمەندی VoiceOver‏ چالاک بکرێت پاشان لە ڕێگەی مۆبایلێکی دیکەوە هەڵدەستیت بە ناردنی نامەیەک بۆ ئەو ئایفۆنەی دەتەوێت وشە نهێنیەکەی تێبپەڕێنیت، پاش ناردنی نامەکە و کردنەوەی لە ئایفۆنەکەدا ڕوونماکە سپی دەبێت و لە ڕێگەی بەشێکی نەبینراوەوە دەتوانیت دەستت بگات بە ژمارە مۆبایل و وێنە کەسێتیەکانی بەکارهێنەرەکە، ڕوونکردنەوەی زیاتر لە بارەی چۆنیەتی ئەنجامدانی ئەم کارە لە ڤیدیۆکەی خوارەوەیە.

هاوژین یونس

ناوم هاوژین یونسە، وەک نووسەر لە ماڵپەڕی کەی ئای تی ئێندا کاردەکەم و هەندێک شارەزاییم هەیە لە سیستمەکانی ئەندرۆید و ئای ئۆ ئێس و ویندۆز و ئاگاداری نوێترین هەواڵە تەکنەلۆژییەکانم، هەروەها گرنگی بە هەواڵی یاریە ڤیدۆیەکان دەدەم و حەز و ئارەزوویەکی زۆرم هەیە بۆ یاریە ڤیدیۆیەکان بە تایبەت زنجیرەی یاریەکانی Assassin's Creed، وە ئامانجیشم پێشخستنی بواری تەکنەلۆژیایە لە کۆمەڵگای کوردیدا و ناساندنی زیاتری تەکنەلۆژیایە بە هەر تاکێکی کورد.